Astana men Almatyda arnaýly maqsattaǵy bólimshelerdiń oqý-jattyǵýy ótti
22:32, 27 Jeltoqsan 2022
ASTANA. QazAqparat - QR MKQ arnaýly maqsattaǵy bólimsheleriniń oqý-jattyǵýy ótkizildi, dep habarlaıdy QazAqparat Qazaqstan Respýblıkasy Memlekettik kúzet qyzmetiniń baspasóz qyzmetine silteme jasap.
Qazaqstan Respýblıkasy Memlekettik kúzet qyzmetiniń Bastyǵy general-maıor S.S. Isabekovtiń nusqaýy boıynsha, aǵymdaǵy jyly 26 jeltoqsannan 27 jeltoqsanǵa qaraǵan túni Astana jáne Almaty qalalarynda QR MKQ arnaýly maqsattaǵy bólimsheleriniń tosyn jedel-taktıkalyq oqý-jattyǵýy ótkizildi.
Oqý-jattyǵý barysynda arnaýly maqsattaǵy bólimshelerdiń kúshteri men quraldary jedel-qyzmettik ázirliktiń joǵarǵy dárejesine keltirilgennen keıin oqý-jattyǵý tapsyrmalaryn oryndaý úshin shoǵyrlaný aımaǵyna shyqty.