Astana men 5 óńirde paıdalanýǵa berilgen baspana sany azaıdy

ASTANA. QazAqparat – Astana men ózge 5 óńirde jańa salynǵan baspanany paıdalanýǵa berý kólemi azaıdy. QazAqparat bul týraly Ulttyq statıstıka bıýrosyna silteme jasap habarlaıdy.

«Turǵyn úılerdi paıdalanýǵa berýdiń ósimi respýblıkanyń 14 óńirinde baıqaldy. Ósý qarqyny boıynsha Pavlodar (32,1%), Shyǵys Qazaqstan (15,4%) jáne Jetisý oblystary (8,8%) kósh bastap tur.
Bul rette paıdalanýǵa berilgen turǵyn úı kóleminiń tómendeýi Ulytaý (29,6%), Mańǵystaý (15,1%), Soltústik Qazaqstan (13,1%) jáne Atyraý (7,8%) oblystarynda, sondaı-aq Astana (24,7%) men Almaty (34,6%) qalalarynda baıqaldy», - delingen statıstıka málimetinde.

2022 jylǵy qańtar-jeltoqsanda paıdalanýǵa berilgen baspanalardyń jalpy alańy 8,8% azaıdy. Atap aıtqanda, kóppáterli 1 540 úı qoldanysqa berildi, bul 2021 jylǵy kólemniń – 91,5%. Paıdalanýǵa berilgen jeke úıler sany – 36 365, bul byltyrǵy kólemniń – 92,6%.

Byltyrǵy qańtar-jeltoqsan aılary aralyǵynda turǵyn úılerdiń jalpy alańynyń bir sharshy metr qurylysyna jumsalǵan naqty ortasha shyǵyn 12,2% ósti.