Astana memlekettik qyzmet haby men AQSh-tyń ýákiletti organdary yntymaqtastyqty nyǵaıtýda

ASTANA. QazAqparat - Vashıngtonda Astana memlekettik qyzmet haby basqarýshy komıtetiniń tóraǵasy Álıhan Baımenovtyń AQSh Kadrlyq qyzmet ofısi (OPM) dırektory mindetin atqarýshy Ketlın MakGettıganmen, Dırektor orynbasary Djozef Kennedımen, sondaı-aq Federaldyq atqarýshy ınstıtýty (FEI) dırektory Sıýzanna Loganmen jáne FEI halyqaralyq kóshbasshylyq damytý boıynsha dırektory Fletcher Honemondpen kezdesýi ótti.   

Bul týraly vedomstvonyń baspasóz qyzmeti habarlaıdy.

Kezdesý barysynda taraptar ekijaqty qarym-qatynastardy jetildirý jáne odan ári damytýda alda turǵan baǵyttardy, sonyń ishinde memlekettik qyzmetkerlerdiń eńbekaqy tóleý jáne qyzmetin baǵalaý júıesindegi tájirıbe almasý máselelerin talqylady.

Álıhan Baımenov aımaq elderiniń memlekettik qyzmetin jetildirýde AQSh-tyń paıdaly tájirıbesi bar ekendigin atap ótti.

Kezdesý barysynda Ketlın MakGettıgan memlekettik qyzmet salasynda tájirıbe men bilim almasýda kóp jaqty ınstıtýtsıonaldyq alań retinde Astana habynyń mańyzdylyǵyn atap ótti.

Sonymen qatar, MakGettıgan Astana habyna bilim men tájirıbe almasýǵa baǵyttalǵan bastamalary men is-sharalary úshin alǵysyn bildirdi.  

«Biz Astana habymen jumys isteý múmkindigin joǵary baǵalaımyz», - dedi Sıýzann Logan. Ol sondaı-aq FEI jańa kóshbasshylyq baǵdarlamalar ázirlegendigin, ony qýanyshpen usynýǵa daıyn ekendikterin málimdedi.

Taraptar qol jetkizilgen kelisimderdi júzege asyrýdyń naqty josparlaryn talqylady.