Astana medıtsına ýnıversıtetiniń bazasynda Istanbul Medipol University fılıaly ashylady

<p>ASTANA. KAZINFORM &mdash; Qazaqstan men Túrkııanyń jetekshi medıtsınalyq joǵary oqý oryndarynyń arasynda tıisti kelisimge qol qoıyldy. Bul týraly QR Densaýlyq saqtaý mınıstrligi málimdedi.</p>

QR Densaýlyq saqtaý mınıstri Aqmaral Álnazarova Túrkııanyń densaýlyq saqtaý júıesiniń eleýli ilgerileýin atap ótip, túrik áriptesterine medıtsınalyq bilim, ǵylym jáne klınıkalyq praktıka máselelerinde yntymaqtastyqqa daıyndyǵy úshin alǵys aıtyp, túrik áriptesteriniń gospıtaldyq menedjment pen apattar medıtsınasyndaǵy tájirıbesin erekshe atap ótti.

Istanbul Medipol University rektory Omer Djeran túrik áriptesteriniń Qazaqstanda medıtsınalyq bilim men praktıkany jaqsartýǵa baǵyttalǵan birlesken jobalardy iske asyrýǵa daıyn ekendigin rastady.

Kelisim Astana medıtsına ýnıversıtetiniń bazasynda Istanbul Medipol University fılıalyn ashýdy kózdeıdi. Yntymaqtastyqtyń sheńberinde Istanbul Medipol University oqytýshylary men klınıtsısteri Astanada dárister men master-klastar ótkizedi. Astana medıtsına ýnıversıtetiniń stýdentteri men oqytýshylary Túrkııanyń klınıkalary men ǵylymı bazalarynda oqytý men praktıkadan ótýge múmkindik alady.

Istanbul Medipol University Ystambýldaǵy eń iri jeke ýnıversıtetterdiń biri bolyp tabylady, ol 2009 jyly qurylǵan jáne The Impact Rating World University Rankings jáne QS World University Rankings sııaqty TOP- 300 jáne TOP- 400 álemdik bilim reıtıngteriniń qataryna kiredi jáne Túrkııanyń TOP-3 joǵary oqý oryndarynyń qataryna kiredi. Ýnıversıtet medıtsına ǵylymy men tehnologııasyndaǵy jetistikterimen tanymal, Sonymen qatar Ystambýlda 13 zamanaýı ýnıversıtetttik klınıkasy bar.