Astana medıtsına ýnıversıtetiniń eks-prorektory para alǵany úshin sottaldy

NUR-SULTAN. QazAqparat - Astana medıtsına ýnıversıtetiniń eks-prorektory paraqorlyq faktisi úshin sottaldy, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

«Nur-Sultan qalasy Baıqońyr aýdanynyń №2 soty úkimimen «Astana medıtsına ýnıversıteti» KEAQ prorektory M. Dáýletıarova qaýipsizdigi ortasha túzeý mekemesinde merzimin óteýmen 3 jylǵa bas bostandyǵynan aıyryldy.

Ol jeke kompanııalardyń basshysy E. Grıtsenkodan elektrondy kitaptardy jetkizýdegi jalpy qamqorlyǵy úshin 10 000 AQSh dollary somasynda para alǵany úshin, sondaı-aq deldal M. Qaparov arqyly rektor laýazymyna taǵaıyndaý úshin 47 000 AQSh dollary somasynda para berýge áreket jasaǵany úshin kináli dep tanyldy.

Sot Grıtsenkony 3 jylǵa bas bostandyǵynan, deldal Kaparovty 7 jylǵa bas bostandyǵynan aıyrýdy taǵaıyndady», - delingen resmı habarlamada.

Úkim zańdy kúshine engen joq.