Astana Media Week: Tanymal bıznes-trener Radıslav Gandapas sheberlik saǵatyn ótkizdi

NUR-SULTAN. QazAqparat – Astana Media Week qatysýshylary men qonaqtary belgili bıznes trener Radıslav Gandapastyń sheberlik saǵatyna qatysty, dep habarlaıdy QazAqparat.

Astana Media Week baǵdarlamasynda tele-radıobaǵdarlamalardy jasaýda jetekshi mamandardyń, jańalyqtar redaktsııalarynyń, baspasóz qyzmetteriniń basshylarynyń jáne blogerlerdiń de sheberlik saǵattary jarııalanǵan.

Aptalyqtyń jattyqtyrý kontenti bóliginiń hedlaıneri retinde bıznes trener, TMD spıkerler qaýymdastyǵynyń prezıdenti Radıslav Gandapas sabaq ótkizdi.

Tanymal bıznes-trener jeke ýaqytty tıimdi basqarý joldaryn, negatıvten arylý jáne durys rejımde qalaı keste qurýǵa bolatynyn aıtty, hobbı jáne basqa da áleýmettik qoldaý kórsetetin alańdar tabýǵa keńes berdi.

Aıta keteıik, belgili jattyqtyrýshynyń sheberlik sabaǵy vırtýaldy formatta tikeleı efırde kórsetildi.

Eske sala ketsek, elordada Astana Media Week – 2021 jyl saıynǵy medıaaptalyǵy bastaldy.

AMW-2021 barysynda halyqaralyq medıaqaýymdastyq músheleri aqparattyq kún tártibiniń ózekti máselelerin kóteredi.

Astana Media Week – barynsha ómirge beıimdi ıdeıalarǵa, avangardtyq sheshimderge, sony pikirlerge arnalǵan besinshi jylsaıynǵy oqıǵa ári ǵalam beınesin sál aıqynyraq etýge tyrysatyn adamdardyń kózqarasy talasqa túsetin jáne qorǵalatyn oryn.

AMW-2021 is-sharasy onlaın jáne oflaın-alańdarda da josparlanǵan.

Foto: blog.radislavgandapas.com