Astana mártebesin asqaqtatý úshin halyqaralyq sharalardy turaqty ótkizý kerek - B.Saparbaev

ASTANA. QazAqparat - Astana mártebesin asqaqtatýdy jalǵastyrý úshin halyqaralyq sharalardy turaqty ótkizip turý kerek. Búgin elorda ákimdiginde turǵyndardyń áleýmettik áleýeti máselesine arnalǵan keńeste QR Premer-Mınıstriniń orynbasary Berdibek Saparbaev osylaı málim etti.

«Mádenıet jáne sport, Bilim jáne ǵylym mınıstrlikteri ákimdikpen birlese elorda mártebesin asqaqtatý úshin buqaralyq aqparat quraldarynda keńinen nasıhattaı otyryp, halyqaralyq sharalardy turaqty túrde ótkizý qajet»,- dedi B.Saparbaev.

Osy oraıda ol ultaralyq, konfessııaaralyq yntymaqtastyq boıynsha sharalardy ótkizý baǵytynda úlgi bolýy tıis ekenin atap ótti. Bul turǵyda Úkimet basshysynyń orynbasary Mádenıet jáne sport mınıstrligine elordada óńirlerdiń mádenı kúnderin ótkizý boıynsha túzetýler engizýdi tapsyrdy.