Astana mańyndaǵy Jibek joly aýylynda mektep pen ınfraqurylym máselesi sheshilýde

KÓKShETAÝ. QazAqparat - Aqmola oblysynyń Jibek joly aýylynda 300 oryndyq orta mektep salynady. Bul týraly óńirlik kommýnıkatsııalar qyzmetinde ótken brıfıngte Arshaly aýdanynyń ákimi Azamat Taıjanov məlim etti, dep habarlaıdy QazAqparat tilshisi.

Aýdan ákiminiń sózinshe, Astana aglomeratsııasy aımaǵyna engen aýdandaǵy jeti eldi mekenniń ishinde Jibek joly aýyly da bar. Aýyl elordaǵa jaqyn bolǵannan keıin, onyń turǵyndarynyń sany jyl sanap artyp keledi. Osyǵan oraı, mektepte oryn tapshylyǵy baıqalýda.

"Qazirgi kezde, aýylda barlyǵy 6,2 myńnan astam turǵyn tirkelgen bolsa, naqty 16 myńnan astam adam turyp jatyr.  Turǵyndar sanynyń kóbeıýinen mektep tapshylyǵy da sezilip tur. Məselen, Jibek joly aýylyndaǵy 2 mekteptiń múmkindigi 920  balaǵa arnalǵan bolsa, búgingi kúni munda 1340 oqýshy bilim alýda. Sol sebepti, ótken jyly quny 885 mıllıon teńgege 300 oryndyq mekteptiń qurylysy úshin jobalaý-smetalyq qujattar əzirlendi. Jobany júzege asyrý 2018-2019 jyldarǵa belgilenip otyr", - dedi aýdan ákimi.

Sonymen qatar, aýyldaǵy sý jəne elektrmen jabdyqtaý məselesin de sheshý qolǵa alynýda. Qazirgi kezde, sý, jol jəne elektrmen jabdyqtaý kólemi 30 paıyz bolsa, ınfraqurylym jobalaryn júzege asyrǵan kezde bul kórsetkishti 85 paıyzǵa jetedi.