Astana mańyndaǵy avtojolda 4 adam qaza boldy

KÓKShETAÝ. QazAqparat - Aqmola oblysynda jol apatynan 4 adam kóz jumdy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvo málimetinshe, jol apaty «Almaty-Ekaterınbýrg» avtojolynda, ıaǵnı Tselınograd aýdanynyń Araıly aýyly mańynda bolǵan.

«Anyqtalǵandaı, «Almaty-Ekaterınbýrg» avtojolynyń 1223-shaqyrymynda Qostanaı qalasynyń 37 jastaǵy turǵyny basqarǵan «Toyota Alphard» kóligi men 42 jastaǵy astanalyq basqarǵan «Toyota Camry» avtokólikteri soqtyǵysqan.

Saldarynan oqıǵa ornynda «Toyota Alphard» kóliginde bolǵan tórt jolaýshy kóz jumdy

. Al onyń júrgizýshisi jáne taǵy bir jolaýshy Astana qalasyndaǵy aýrýhanaǵa jatqyzyldy», - dedi vedomstvodan.

PD baspasóz qyzmetinen atap ótkendeı, saraptama taǵaıyndalyp, Qylmystyq kodekstiń 345-baby 4-bóligimen («Abaısyzda eki jáne odan da kóp adamnyń ólimine ákep soqqan Jol qozǵalysy erejelerin buzý») sotqa deıingi tergeý júrgizilýde.

Eske salaıyq, buǵan deıin Aqmola oblysynda júk poıyzy men jeńil kólik soqtyǵysyp, 3 adam kóz jumǵanyn jazǵan bolatynbyz.