Astana mańynda jańa eki avtobeket ashylady
Bul týraly Astana qalasy Jolaýshylar kóligi basqarmasynyń basshysy Bekmyrza Igenberdınov ákimdikte ótken baspasóz máslıhatynda málim etti.
«Alaı - Astra» jáne «Keńmart - Astra» kólik ortalyqtarynyń ashylýy «Astana» temir jol vokzaly men «Saparjaı» avtovokzaly mańyndaǵy kólik keptelisterin azaıtýǵa múmkindik beredi. Jańa avtobeketter jolaýshylardy mingizý jáne túsirý aımaqtarymen, bılet kassalarymen, kútý zaldarymen jáne saqtaý kameralarymen jabdyqtalǵan. 800 oryndyq yńǵaıly avtoturaq aýmaǵy da bar», - dep habarlady Bekmyrza Igenberdınov.
Sonymen birge, basqarma basshysy jańa avtobeketterdiń jumysy 22 shildede bastalatynyn jáne budan bylaı qalaaralyq baǵdarlarlardyń qala ishine kirmeı, aınalma joldar arqyly ótetinin jetkizdi.
«2017 jyldyń 22 shildesinen bastap, «Alaı Astra» kólik ortalyǵynan Pavlodarǵa jáne ońtústikke baǵyt alǵan qalaaralyq avtobýstar jóneltiledi. Resmı qalaaralyq tasymaldaýshylar 9 baǵyt boıynsha, kúnine 23 reıske qyzmet kórsetetin bolady. Sondaı-aq, 22 shilde kúni «Keńmart Astra» kólik ortalyǵynan Qaraǵandy jáne ońtústik baǵyttar boıynsha qalaaralyq avtobýstar iske qosylady. Resmı tasymaldaýshylar 8 baǵyt boıynsha kúnine 41 reıske qyzmet etedi», - dep tolyqtyrdy ol.
«Alaı - Astra» kólik ortalyǵy S 316 kóshesi, 5 úı mekenjaıynda, ıaǵnı Ortalyq bazardyń artynda ornalasqan. Bul orynǵa №7, 11, 34, 38, 39, 41, 307, 503 qalalyq avtobýstar arqyly jetýge bolady. Sondaı-aq, 22 shildeden bastap, «Nurly jol» temir jol vokzaly men «Alaı - Astra» avtobeketin jalǵaıtyn qalalyq №201 túngi ekspress baǵdary iske qosylady.
«Keńmart Astra» kólik ortalyǵy Astana-Qaraǵandy tas joly, 45-ǵımaratta ornalasqan. Bul orynǵa 4 qalalyq jáne 2 qala mańy baǵdarlary - №9, 29, 80, 304, 315, 506 avtobýstar qatynaıdy.
Taǵy bir atap óterligi, aldyn ala satyp alynǵan qalaaralyq bıletter Astananyń barlyq avtobeketterinde jaramdy bolmaq. ıAǵnı, qalaaralyq jol bıletin satyp alǵan jolaýshy saparǵa «Alaı Astra», «KeńMart - Astana» nemese «Saparjaı» avtobeketteriniń birinen attana alady.