Astana mamyr merekelerine jan-jaqty daıyndaldy - mamyrdyń 4-10-y aralyǵyndaǵy merekelik sharalar baǵdarlamasy
Erteń, mamyrdyń 4-inde astanalyq Kongress-Holl saraıynda Astana qalasynyń mamandandyrylǵan lıtseıleri men kollejderiniń arasyndaǵy «Shattyq» festıvaliniń gala-kontserti ashylady. Qalalyq bilim berý basqarmasy merekelik sharanyń bastalýyn 17.00-ge josparlap otyr.
Sársenbi, mamyrdyń 5-i kúni saǵat 14.00-de astanalyq tsırkte Uly Otan soǵysyndaǵy Jeńistiń 65 jyldyǵyna arnalǵan estradalyq-tsırktik baǵdarlama bolady. Dál osy kúni saǵat 17.00-de M.Gorkıı atyndaǵy orys teatrynda Jeńistiń 65 jyldyǵyna arnalǵan S.Lepýstın, L.Krıýchkovtiń «Otan neden bastalady...» atty mýzykalyq-poetıkalyq keshi ótedi. Al saǵat 18.30-da Q.Qýanyshbaev atyndaǵy Qazaq mýzykalyq-drama teatrynda T.Ahtanovtyń «Kúshik kúıeý» komedııasy bolady.
Beısenbi, mamyrdyń 6-y kúngi baǵdarlamalar tizbegin saǵat 11.00-de «Atameken» Qazaqstan Kartasy» etno-memorıaldyq keshende «Soǵystyń mazasyz boıaýlary» atty balalar sýretiniń baıqaýy ashady. Q.Qýanyshbaev atyndaǵy Qazaq mýzyka-drama teatry saǵat 18.30-da Erkin Jýasbekovtyń «Sen úshin» komedııasyn qoıady. Al bul kúni Kongress-Holl saraıynda ańyzǵa aınalǵan «Mashına vremenı» tobynyń saǵat 19.00-daǵy kontsertimen aıaqtalady.
Juma, mamyrdyń 7-i kúni, saǵat 11.00-de «Atameken» Qazaqstan Kartasy» etno-memorıaldyq keshende «Sizderdi maqtan tutamyz, ardagerler!» atty soǵys ardagerlerin quttyqtaý ótedi. Merekelik kún saǵat 12.00-de «Otan qorǵaýshylar» alańyndaǵy «Otan qorǵaýshylar» monýmentine «Dańq gúldestesi» men gúl shoqtaryn qoıý rásimimen jalǵasady. Saǵat 17.00-de Táýelsizdik saraıynda ótetin saltanatty jıylys pen merekelik kontsert Otan qorǵaýshylar kúniniń qorytyndy keshi bolmaq. Q.Qýanyshbaev atyndaǵy Qazaq mýzykalyq-drama teatryndaǵy A.Dýdaraevtyń «Kesh» dramasy osy kúngi baǵdarlamalar núktesin qoıady.
Senbi, mamyrdyń 8-i kúngi tańǵy saǵat 10.00 qalalyq beıit basynda 1941-1945 jyldardaǵy soǵysta alǵan jaraqattardan qaza tapqan áskerlerdiń zırattaryna «Dańq gúldestesi» men gúl shoqtaryn qoıý rásimimen ashylady. Saǵat 11.00-de M.Gorkıı atyndaǵy orys teatry eń kishkentaı azamattarǵa arnap V.Tregýbenkonyń «Ań patshasyna arnalǵan úı» atty ertegisin kórsetedi. Kelesi saǵatta qalanyń «Otan qorǵaýshylar» alańy men Jastar saraıynynyń aldyndaǵy jazǵy sahnada, Báıterek monýmenti men astanalyq saıabaqta úrlemeli orkestr men óleń, bı ansamblderiniń kontsertteri bastalady. Saǵat 18.00-de M.Gorkıı atyndaǵy Orys teatrynda astanalyqtar men qala qonaqtaryn B.Brehtnyń «Úshinshi ımperııadaǵy qorqynysh pen ashtyq» atty teatrlyq premerasy kútedi, qoıýshy rejısseri Egısh Gevorkıan (Avstrııa,Vena), qoıýshy sýretshisi Qanat Maqsutov. Osy kúnniń baǵdarlamasyn Q.Qýanyshbaev atyndaǵy Qazaq mýzykalyq-drama teatryndaǵy Jeńistiń 65 jyldyǵyna arnalǵan «Jeńis ánderi» atty ádebı-sahnalyq kesh jalǵastyrady.
Jeksenbi kúnge tuspa-tus kelip otyrǵan mamyrdyń 9-y saǵat 09.00-de Jeńistiń 65 jyldyǵyna arnalǵan «Qazaq eli» monýmentinen bastap Táýelsizdik dańǵyly arqyly «Otan qorǵaýshylar» monýmentine deıingi azamattyq sherýmen bastalady. Saǵat 12.00-de «Otan qorǵaýshylar» monýmenti, qalalyq alań, Jastar saraıynyń jazǵy sahnasy, Báıterek monýmenti, astanalyq saıabaqtyń sahnalyq alańdarynda úrlemeli orkestr men óleń, bı ansamblderiniń kontsertteri bolady. Qalalyq alańda saǵat 16.00-de qalalyqtarǵa patrıottyq ánder festıvali usynylady. Saǵat 17.00-de Beıbitshilik jáne kelisim saraıynda klassıkalyq óner súıgishterge «Máńgilik alaý» baleti oryndalady. Sonymen qatar, osy saǵatta, ıaǵnı 17.00-de Kongress-Holl saraıynda KSRO-nyń halyq ártisi Álibek Dnishev Jeńis kúnine arnalǵan jeke kontserttik keshin usynady. Al túngi saǵat 22.00-de merkelik kúndi aıaqtaıtyn Esil jaǵasynda Astana qalasynyń turǵyndary men qonaqtaryna arnap ot shashý bolady.
Kelesi demalys kúni, mamyrdyń 10-y kúni saǵat 12.00-de «Dýman» oıyn-saýyq ortalyǵynda sol kúni keshke deıin jalǵasatyn «Kóktemgi karnaval» atty shoý-baǵdarlamanyń ashylýy bolady. Saǵat 18.00-de tsırk ǵımaratynda reseılik «Ranetkı» atty jastar tobynyń kontserti bolady. Sondaı-aq mamyrdyń 10-y men 14-i aralyǵynda Astana qalasy Beıbitshilik jáne kelisim saraıynda Birikken Arab Ámirlikteriniń mádenı kúnderi ótedi.