Astana LRT-nyń burynǵy basshysy Talǵat Ardan Antıkordyń shaqyrtýyna kelgen joq

<p>ASTANA. KAZINFORM &ndash; Bıyl shildede Sybaılas jemqorlyqqa qarsy is-qımyl agenttigi Talǵat Ardandy BAQ arqyly jaýap alýǵa shaqyrǵan edi. Biraq atalǵan tulǵa jaýap berýge ýaqytynda kelmegen. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.&nbsp;</p>

«Qazaqstan Respýblıkasynyń Sybaılas jemqorlyqqa qarsy is-qımyl agenttigi «Astana LRT» JShS-nyń burynǵy basqarma tóraǵasy Talǵat Ardanǵa qatysty qylmystyq isti tergeýdi aıaqtady. Biz Qylmystyq kodekstiń 208 baby jáne 205 babynyń 1 bólimine sáıkes Qazaqstanǵa jaýap alýǵa shaqyrdyq. Olar kelgen joq. Qylmystyq is jasaǵan dálelderi tolyqtaı tabyldy. Qylmystyq is 19 qyrkúıekte sotqa joldandy», - dedi Danııar Bıgaıdarov agenttikte ótken baspasóz máslıhatynda.

Sondaı-aq Antıkor ókili atalǵan tulǵaǵa qatysty istiń sotqa joldanyp, tıisti sheshim qabyldanatynyn aıtty. Odan bólek, belgili bolǵandaı Talǵan Ardan Qazaqstan aýmaǵynda emes. 

Ótken jyly mamyrda elordada salynbaı qalǵan Astana LRT qurylysyna qatysty qylmystyq is boıynsha sot úkimi shyqty. Sot úkimimen Talǵat Ardan men Qanat Sultanbekov 7 jylǵa sottaldy. 

Bas prokýratýra Talǵat Ardan men Qanat Sultanbekovti izdeý jumysynyń toqtamaıtynyn aıtty. 

Eske sala ketsek, bıyl tamyzda Astana LRT burynǵy basshysy Talǵat Ardanǵa qatysty qylmystyq is tergelip jatqany belgili boldy.