Astana LRT isi boıynsha sottalǵandar memleketke qansha qarjy qaıtarady

ASTANA. QazAqparat – Elordada Astana LRT qylmystyq isi boıynsha birneshe aıyptalýshyǵa qatysty sot úkimi shyqty. Sonymen qatar sottalýshylardyń memleketke keltirilgen shyǵyn boıynsha qansha qarjy qaıtaratyny aıtyldy, dep habarlaıdy QazAqparat tilshisi.

Memleketke qaıtarylýy tıis qarjy kólemimen sýdıa Vıktorııa Semenova tanystyrdy.

Achılov, Ábdihamıtov, Ardan jáne Sultanbekov keltirgen materıaldyq zalal úshin memleket paıdasyna 728 mıllıon 806 myń 747 teńge qaıtarylyp, 21 mıllıon 864 myń 202 teńge kóleminde memlekettik baj óndirip alynsyn.

Materıaldyq zalaldy óteý maqsatynda memleket paıdasyna Amanjolov, Nurpeıisov, Ábdihamıtov, Ardan, Sultanbekovten bıýdjetke 1 mıllıard 736 mıllıon 915 myń 564 teńge qaıtarylyp, 52 mıllıon 107 myń 467 teńge mólsherinde memlekettik baj óndirip alynsyn.

Qasabaevtan memleket paıdasyna bıýdjetke 2 mıllıon 471 myń 428 teńge qaıtarylyp, 74 myń 143 teńge kóleminde memlekettik baj óndirilsin.

Memleket paıdasyna Qasabaevtan 20 mıllıon 583 myń 333 teńge qaıtaralyp, 617 myń 500 teńge kóleminde memlekettik baj ótelsin.

Materıaldyq zalaldy óteý úshin Músenovten memleket paıdasyna bıýdjetke 13 mıllıon 333 myń 333 teńge qaıtarylyp, 400 myń teńge mólsherinde memlekettik baj óndirip alynsyn.

Ábdihamıtovtan memleket paıdasyna 204 mıllıon 651 myń 785 teńge qaıtarylyp, 6 mıllıon 139 myń 554 teńge mólsherinde memlekettik baj ótelsin.

Materıaldyq zalaldy óteý boıynsha memleket paıdasyna Amanjolov, Nurpeıisov, Áshim, Ardan, Sultanbekovten 1 mıllıard 133 mıllıon 283 myń 923 teńge qaıtarylyp, 33 mıllıon 998 myń 518 teńge kóleminde memlekettik baj óndirip alynsyn.

Materıaldyq zalaldy óteý úshin Músenovten memleket paıdasyna bıýdjetke 25 mıllıon 947 myń 119 teńge qaıtarylyp, 778 myń 314 teńge mólsherinde memlekettik baj óndirilsin.

Materıaldyq zalaldy óteý boıynsha memleket paıdasyna Amanjolov, Nurpeıisov, Achılov, Áshim, Ábdihamıtov, Ardan jáne Sultanbekovten bıýdjetke 1 mıllıard 276 mıllıon 414 myń 931 teńge qaıtarylyp, 38 mıllıon 292 myń 448 teńge mólsherinde memlekettik baj óndirip alynsyn.

Materıaldyq zııandy óteýde memleket paıdasyna Amanjolov, Nurpeıisov, Achılov, Áshim, Ábdihamıtov, Ardan jáne Sultanbekov 82 mıllıon 626 myń 540 teńge qaıtarylyp, 2 mıllıon 478 myń 796 teńge mólsherinde memlekettik baj salyǵy óndirip alynsyn.

Materıaldyq zııandy óteý úshin memleket paıdasyna Amanjolov, Nurpeıisov, Achılov, Áshim, Ábdihamıtov, Ardan jáne Sultanbekov 333 mıllıon 500 myń teńge jáne 10 mıllıon 5 myń teńge mólsherinde memlekettik baj óndirilsin.

Materıaldyq zııandy óteýdi memleket paıdasyna Amanjolov, Nurpeıisov, Achılov, Áshim, Ábdihamıtov, Ardan jáne Sultanbekov 207 mıllıon 761 myń 125 teńgeni qaıtaryp, 6 mıllıon 232 myń 834 teńge kóleminde memlekettik baj salyǵyn yntymaqty tártippen óndirip alý kerek.

«Sottalǵandarǵa azamattyq talap qoıý bóliginde úkimdi erikti túrde oryndaý úshin 30 táýlik belgilendi», - dep tolyqtyrdy sýdıa.

Buǵan deıin habarlaǵanymyzdaı, Astana LRT qylmystyq isi boıynsha Talǵat Ardan men Qanat Sultanbekov 7 jylǵa sottaldy.