«Astana LRT» eks-basshysy Talǵat Ardanǵa qatysty sot úkimi ózgerissiz qaldy
Astana qalasynyń qylmystyq ister jónindegi aýdanaralyq sotynyń 2024 jylǵy 11 qarashadaǵy úkimimen Ardan T. aýyr saldarǵa alyp kelgen qyzmettik ókilettikterin qyzmet múddelerine qaıshy paıdalaný faktisi boıynsha (QK 361-baby 4-bóliginiń 3) tarmaǵy) boıynsha kináli dep tanyldy (syrttaı).
Ardan T. buryn 2023 jylǵy 3 mamyrdaǵy úkimmen QK 189-baby 4-bóliginiń 2) tarmaǵy boıynsha 7 jylǵa bas bostandyǵynan aıyrylǵan. Qylmystyq quqyq buzýshylyqtar jıyntyǵy boıynsha memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyryla otyryp, túpkilikti 9 jylǵa bas bostandyǵynan aıyrylǵan.
Onyń «Astana LRT» JShS basqarma tóraǵasy qyzmetin atqara otyryp, ıaǵnı memlekettik fýnktsııalardy oryndaýǵa ýákilettik berilgen adamdarǵa teńestirilgen tulǵa bola otyryp, LRT qurylysy jónindegi jobany iske asyrýdy buzǵanyn, nátıjesinde buryn Qytaıdyń memlekettik damý bankinen alynǵan 257,6 mln AQSh dollaryn, ıaǵnı 85,9 mlrd teńgege balamaly (QRUB 2016 jylǵy jeltoqsandaǵy valıýtalardyń resmı baǵamyna sáıkes) «Astana LRT» JShS qaıtarmaǵan jáne ol tıisinshe nysanaly maqsaty boıynsha paıdalanylmaǵan.
Osylaısha, Ardan T. qyzmet múddelerine qaıshy, laýazymdyq ókilettikterin asyra paıdalanyp, nátıjesinde onyń zańsyz áreketteri «City transportation systems» JShS-ne asa iri mólsherde, ıaǵnı 85,9 mlrd teńge somaǵa materıaldyq zalal keltirý túrindegi aýyr zardaptarǵa ákep soqtyrdy.
Sot úkimimen kelispegen sottalýshynyń advokaty apellıatsııalyq shaǵym túsirip, ony aqtaýdy surady.
Astana qalalyq sotynyń qylmystyq ister jónindegi sot alqasynyń 2024 jylǵy 25 jeltoqsandaǵy qaýlysymen sot úkimi ózgerissiz, apellıatsııalyq shaǵym qanaǵattandyrýsyz qaldyryldy. Óıtkeni sottalǵannyń kinási jábirlenýshi ókiliniń, kýágerlerdiń aıǵaqtarymen, saraptamalardyń qorytyndylarymen jáne basqa da materıaldarmen dáleldendi.
Sot aktisi zańdy kúshine endi.
Іzdeý jarııalanǵan LRT eks-basshysy Talǵat Ardan taǵy da syrttaı sottalǵanyn jazǵan bolatynbyz.