Astana LRT: beton baǵanalar 90% ornatyldy

<p>ASTANA. KAZINFORM &ndash; Astanadaǵy jeńil relsti kólik júıesiniń (Astana LRT jobasy) jerústi negizgi qurylys jumystary 30 tamyzda aıaqtalady. Bul týraly China construction kompanııasy sheteldik bıznes departamentiniń bas menedjeri Han ıÝlon aıtty.&nbsp;</p>

- Qazirgi ýaqytta baǵanalardy ornatý jumysy 90%-ǵa, al beton arqalyqtardy ornatý 68%-ǵa aıaqtaldy. Aıaldamalardyń qurylysy 80%-ǵa daıyn. Bekitilgen jospar boıynsha, negizgi qurlys jumystaryn 30 tamyzǵa deıin aıaqtap, baǵanalardyń arasy tolyqtaı jalǵasady, - dedi Han ıÝlon.

Foto: Jenmın Jıbao

Onyń aıtýynsha, qazirgi ýaqytta ýchaskede 1605 jumysshy bar.

- Astananyń maýsymdyq ereksheligin eskere otyryp, qurylys jumystary jaz aılarynda qarqyndy júredi. Negizgi qurylys jumysy aıaqtalǵannan keıin, joba kelesi kezeńge ótedi, - dedi China construction bas menedjeri.

Aıta keteıik, Astana LRT qurylysy 2017 jyly mamyr aıynda qytaı kompanııalary kásiporyndarynyń konsortsıýmy kúshimen bastalǵan. Josparǵa sáıkes, LRT jelisi áýejaı men «Nurly jol» temirjol vokzalyn baılanystyrady, uzyndyǵy - 22,4 km. Qala boıynsha 18 stantsııa jáne 19 birlik jyljymaly quram bolady.