Astana kúnine oraı SQO-da ınteraktıvti is-sharalar ótip jatyr

PETROPAVL. QazAqparat - Petropavl tarıhı-ólketaný mýzeıinde Astananyń 20 jyldyǵyna arnalǵan «Astana - beıbitshilik pen kelisim toraby» ınteraktıvti is-sharasy ótti, dep habarlaıdy QazAqparat tilshisi. 

Іs-sharaǵa qatysýshylar elimizdiń bas qalasynyń damýy, elordanyń 20 jyl ishindegi negizgi jetistikteri týraly aıtty. Qazaqstan halqy Assambleıasy Soltústik Qazaqstan oblysyndaǵy etnomádenı birlestikterdiń ókilderi, tarıhı-ólketaný mýzeıiniń qyzmetkerleri sóz sóıledi.

«Qazaqstan halqy Assambleıasynyń ǵylymı-saraptamalyq toby Astananyń 20 jyldyǵyna arnap ınteraktıvti is-sharalar ótkizip jatyr. Bul mereıtoı - álemdik aýqymdaǵy oqıǵa dep esepteımin. Bizdiń Prezıdentimiz 1994 jyly óz sózinde: «Astana tek qoǵamdyq-saıası ortalyq qana emes, sondaı-aq mádenı, rýhanı megapolıs. Astana - Uly dalanyń qazynasy» degen bolatyn», - dep atap ótti QHA SQO hatshylyǵynyń meńgerýshisi Naıl Salımov.

Sondaı-aq, ol Assambleıa músheleriniń bir apta boıy Astananyń týǵan kúnin toılaýǵa arnalǵan túrli is-sharalar ótkizetinin atap ótti.

Búgin barlyq qatysýshylar mýzeıge ekskýrsııa jasady. Ondaǵy zaldardyń biri QR Tuńǵysh Prezıdentine arnalǵan. Munda Astananyń damýy týraly materıaldar da usynylǵan.

Oblys ákiminiń ókimimen naýryz aıynan beri Petropavldaǵy mýzeıge kirý tegin.