Astana kúnine oraı Óskemende qandaı sharalar ótedi

ÓSKEMEN. QazAqparat – 6 shilde – Astana kúnine oraı, Óskemende birqatar shara josparlanyp otyr, dep habarlaıdy QazAqparat tilshisi.

Qala ákimdiginiń málimetine súıensek, búgin sol jaǵalaý kesheninde sándik-qoldanbaly óner sheberleri 12:00-den 16:00-ge deıin kórme-jármeńke uıymdastyrady.

7 shilde kúni saǵat 17.00-de Jambyl saıabaǵynda «Ertis kontsert» mekemesiniń shyǵarmashylyq ujymdary men solısteriniń qatysýymen «El júregi – Astana» atty merekelik kontsert ótedi.

8 shilde saǵat 17:00-de Etnosaıabaqta jergilikti ónerpazdar «Astana – arman qalam» taqyrybynda kontsert qoıady.

«Sondaı-aq, 14 shildege deıin oblystyq tarıhı-ólketaný mýzeıinde «Astana ýaqyt prızmasy arqyly» atty kórmeni tamashalaýǵa múmkindik bolady. Kórmede qalanyń qazirgi kezge deıin qalaı ózgergendigi kórsetiledi. Mereke kúnderi Astana qalasynyń tarıhy men estelik oryndary týraly vıktorınalar da uıymdastyrylady», - delingen aqparatta.