Astana kúnin jappaı toılaý nemese kóshe bıleri

ASTANA. QazAqparat - Ortalyq Azııanyń iri festıvalderiniń biri «InternationalStreetDanceSessioninAstana 2017» Astana qalasy ákimdiginiń qoldaýymen 8-shi ret ótkizilýde. ISDS festıvali - Qazaqstan men taıaý shyǵystyń eń úzdik bıshileri kezdesetin alań, dep habarlaıdy QazAqparat elorda ákimdiginiń medıa ortalyǵyna silteme jasap.

Ákimdik aldyndaǵy alańda júzdegen jasóspirim jınalyp, bı alańyna shyqty. Aýa raıy da qaraılasqan bul kúnde adamdardyń kóń-kúıi kóterińki, buqara bolyp jappaı toılandy. 

Bıshilerdiń bul baıqaýy alǵash ret 8 jyl buryn ótkizilgen bolatyn. Baıqaýdyń uıymdastyrýshysy - tanymal qazaqstandyq horeograf Nursultan Táshenov. Ol álemdik deńgeıdegi beldi bıshilermen jumys istegen. Tájirıbe almasý úshin Qazaqstan men ózge de shet memleketterden jyl saıyn júzdegen bıshi ISDS festıvaline keledi. 

Sharanyń bastalýyna 10 mınýt qalǵan sát. Sahnaǵa shyǵý aldyndaǵy sońǵy daıyndyq. 

Almaty qalasynan kelgen 22 jastaǵy Aıjan house jáne waacking stılinde bıden óner kórsetti. Onyń bımen aınalysqanyna 8 jyl bolǵan. Bı onyń súıikti isi, hobbıi. 

Kóshe bıine tek kásibı bıshiler ǵana emes, sondaı-aq bıdi súıetin jas balalar qatysty. Astana qalasynyń turǵyny, 21 jastaǵy Ádilettiń bımen aınalysa bastaǵanyna nebári jarty jyl bolǵan. Onyń sózine qaraǵanda, bıdiń kómegimen ol ózin-ózi damytyp, sergek sezinedi, jaqsy kóńil-kúıde júredi. 

Bas shaharymyzǵa kelgen Frantsııanyń 35 jastaǵy turǵyny óziniń áserimen bólisti. Bıshiler onymen sóılesip, qyzý pikirtalas uıymdastyrsa,  qonaqtar sýretke túsýge asyqty.  Meech de France - kóshe bıiniń tanymal bıshisi, jarysqa qazylar alqasy retinde kelgen. Onyń Qazaqstanǵa kelýi alǵashqy emes. Ol elimizdiń baı murasyn, eń kórikti jerlerin qyzyqtady. Halqymyzdyń qonaqjaı ekenin atap ótti. 

Bı jarysy keste boıynsha saǵat 19.00-de bastaldy. Sahna aldyna kórermender kóptep jınaldy. 

Bıdiń qyr-syryn kórsetken 12 jasar Lıza ıAkovenko kórermender  men qazylar alqasynyń ystyq yqylasyna bólendi. 

Festıvalde eshqandaı shekteý bolǵan joq. Bostandyq rýhyna bólengen bıshilerge rıza bolǵan kórermen tamasha qoıylymǵa kózaıym bolyp qaıtty.          

Birneshe saǵatqa jalǵasqan bı jarysy áp-sátte ótip ketti. Uıymdastyrýshylardyń sózine qaraǵanda, aldaǵy ýaqytta Qazaqstanda bımen aınalysqysy keletinderdiń qatary kóbeıedi.