Astana kúni men Tuńǵysh Prezıdent merekesi qaıta qaralýy múmkin - senator

NUR-SULTAN. QazAqparat – Senat depýtaty Aqmaral Álnazarova Astana kúni men Tuńǵysh Prezıdent kúnine qatysty óz pikirin bildirdi, dep habarlaıdy QazAqparat tilshisi.

Parlament palatalarynyń birlesken otyrysynan keıin tilshiler depýtatqa Astana kúnin ózgertý qajet pe degen suraq qoıdy.

«Qandaı jaǵdaı bolsa da bizge Astana kúni qajet. Nege qaıta qaramasqa dep oılaımyn. Múmkin, Elorda kúnin qaıta qarap, qandaı da bir tarıhı datalarǵa tikeleı baılanystyrý bolashaqtyń isi shyǵar», - dedi Aqmaral Álnazarova.

Sondaı-aq jýrnalıster 1 jeltoqsan – Tuńǵysh Prezıdent kúnin merekeleýge qatysty suraq qoıdy.

«Biz elimizdiń demokratııalyq damý jolyn tańdadyq, osy jolda júrýimiz kerek (...) Bul másele sheshiletin bolady (1 jeltoqsandy merekeleý – red.), bálkim mereke qaıta formattalýy múmkin», - dedi senator.