Astana kóshelerinde «Jeńis lentalary» taratylady
Elorda ákimdiginen habarlaǵandaı , sharanyń basty maqsaty - el ıgiligi men bolashaq urpaqtyń bostandyǵy úshin óz ómirin qıǵan jandardy, olardyń erlikterin este saqtaý. 2015 jyly Jeńis lentasy resmı deńgeıde jańartylyp, onyń jańa dızaıny jasaldy.
«Jeńis kúni - barlyq urpaqty biriktiretin mereke. Dástúr boıynsha, elimizde bul kúni fashızmdi jeńýdiń belgisi retinde georgıı lentalaryn taratý aktsııasy ótedi. Bul ıgi dástúr jalǵasyn tabý úshin Jeńis kúnin merekeleý sımvolynyń qazaqstandyq nusqasy jasaldy. Ol QR Memlekettik týynyń reńimen ádemi úılesim taýyp otyr», - deıdi aktsııany uıymdastyrýshylar.
Qazaqstannyń Jeńis lentasy - jibek matadan jasalǵan, túsi - kók, ortasynda altyn tústi ulttyq órnek elementteri paıdalanylǵan. Lentanyń jıekterinde Otan soǵysy Ordeniniń (dárejesi kórsetilmegen) beınesi ornalasqan, bul Ekinshi dúnıejúzilik soǵystaǵy halqymyzdyń batyrlyǵy men erligin kórsetedi. Lenta georgıı lentasy beınelengen jáne «9 Mamyr - Jeńis kúni. 1941-1945 jyldar» jazýy bar tósbelgige bekitiletin bolady.
6 mamyr kúni saǵat 12:00-de aktsııanyń bastalýyna (qalalyq alań) máslıhat depýtattary, jastar jáne BAQ ókilderi qatysady.
Qala turǵyndary men qonaqtaryna yńǵaıly bolýy úshin lentalar 6-9 mamyr kúnderi saǵat 10:30-dan 18:30-ǵa deıin qalanyń birneshe núktesinde, sonyń ishinde «Báıterek» monýmentiniń, «Han Shatyr», «Mega Silk way» saýda, oıyn-saýyq ortalyqtarynyń mańynda jáne Stýdentter saıabaǵynda taratylady.
Lentalardy elorda turǵyndary men qonaqtaryna áskerı kıim stılinde kostıýmder kıgen eriktiler tabystaıdy. Lentalar taratylatyn oryndarda Estelik qabyrǵalar ornalasatyn shatyrlar bolady.
Sonymen birge, 9 mamyr kúni ótetin eki merekelik shara barysynda da elorda turǵyndary men qonaqtaryna Jeńis lentalary beriledi.