«Astana» komandasy «Maqtaraldan» basym tústi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 8-týrynda «Astana» jeńiske jetti, dep habarlaıdy QazAqparat tilshisi.

Elordalyq «Astana» óz alańynda Túrkistan oblysynyń «Maqtaral» komandasyn qabyldady.

Týrnır kestesinde komandalar jaǵdaıy túrlishe. Elordalyq klýb aldyńǵy oryndarda kele jatsa, túrkistandyq ujym kósh sońynda tur.

Oıyn barysynda «Astana» basymdyq kórsetti. Nátıjesinde olardyń qatarynan Elhan Astanov 8, Abat Aıymbetov 29-mınýttarda mergendik tanytty.

Qarsylasyn taza utqan «Astana» kezdesýdi 2:0 esebimen aıaqtady.

Endi 21:00-de «Ordabasy» (Shymkent) men «Qaısar» (Qyzylorda) sheberlik baıqasady.

Al, 7 mamyrda «Jetisý» (Taldyqorǵan) men «Oqjetpes» (Kókshetaý), «Kaspıı» (Aqtaý) men «Atyraý», «Shahter» (Qaraǵandy) men «Qyzyljar» (Petropavl) komandalary oınaıdy.

Eske salsaq, budan buryn óz alańynda «Tobyl» «Qaırattan» 2:3 esebimen jeńilse, «Aqtóbe» «Aqsýdan» 2:1 esebimen basym tústi.