«Astana-Kókshetaý» baǵytynda qosymsha elektr poıyzy qatynaıdy

<p>&laquo;Jolaýshylar tasymaly&raquo; AQ aýa raıynyń qolaısyzdyǵyna baılanysty Astana-Kókshetaý baǵytynda qosymsha elektr poıyzyn shyǵardy. Bul týraly kompanııanyń baspasóz qyzmetinen málim etti, dep habarlaıdy <a href="Kazinform." target="_blank" rel="noopener">Kazinform.</a></p>

«Aýa raıynyń qolaısyzdyǵynan kólik qozǵalysynyń toqtatylýyna baılanysty QTJ jedel túrde balamaly kólik túrlerin paıdalanýǵa múmkindigi joq azamattardy tasymaldaý úshin qosymsha poıyz bólý týraly sheshim qabyldady», - delingen habarlamada.

30 jeltoqsan kúni saǵat 17:00-de Astanadan 6831/6832 «Astana-Kókshetaý» qosymsha elektr poıyzy jolǵa shyǵady. Jolaýshylarǵa 390 oryn bólinedi. Poıyz Kókshetaýdan keri qaraı saǵat 22:35-te attanady.

«Jolaýshylar tasymaly» AQ vokzaldar men poıyzdarda jolaýshylar aǵynynyń kúrt artqanyn eskere otyryp, jol júrýden bas tartýdy keńes etip, jolaýshylardyń qaýipsizdigin qamtamasyz etý boıynsha qabyldanyp jatqan sharalarǵa túsinistikpen qaraýdy suraıdy.

Buǵan deıin habarlanǵandaı, ótken túnde joldardyń jabylýyna baılanysty Býrabaı, Eltaı, Aqkól, Shortandy, Ereımentaý stantsııalarynan qala mańyndaǵy poıyzdarmen elordaǵa 700-den astam adam tasymaldandy.