Astana keıingi bes jylda aýasy las óńirler tiziminen túspeı keledi

ASTANA. QazAqparat – Ekologııa jáne tabıǵı resýrstar mınıstrligi 2019-2023 jyldarda aýasy eń kóp lastanǵan qalalardy atady, dep habarlaıdy QazAqparat tilshisi.

«Keıingi 5 jylda (2019-2023 j.j.) atmosferalyq aýanyń lastanýynyń turaqty joǵary deńgeıi Qaraǵandy, Almaty, Astana, Óskemen, Temirtaý, Jezqazǵan qalalarynda baıqalady», - dep jazylǵan resmı málimette.

Sondaı-aq, «Qazgıdromet» mamandary atalǵan qalalardyń aýasy qandaı ýly zattarmen jıi lastanatynyn atap kórsetken.

«Negizgi lastaýshy zattar:

Qaraǵandy qalasynda – RM-2,5 qalqyma bólshekteri, RM-10 qalqyma bólshekteri, kómirtegi oksıdi, kúkirt sýtegi;

Almaty qalasynda – qalqyma bólshekter (shań), RM-2,5 qalqyma bólshekteri, RM-10 qalqyma bólshekteri, kúkirt dıoksıdi, kómirtegi oksıdi, azot dıoksıdi, azot oksıdi.

Astana qalasynda – qalqyma bólshekter (shań), RM-2,5 qalqyma bólshekteri, RM-10 qalqyma bólshekteri, kúkirt dıoksıdi, kómirtegi oksıdi, azot dıoksıdi, azot oksıdi.

Óskemen qalasy – kúkirt dıoksıdi, kómirtegi oksıdi, kúkirt sýtegi;

Temirtaý qalasy – kómirtegi oksıdi, azot dıoksıdi;

Jezqazǵan qalasy – kúkirt sýtegi, fenol», - dep jazylǵan aqparat bıýlleteninde.