«Astana» qarjy ortalyǵynyń salyq saıasaty álemdik standarttarǵa sáıkestendirildi

NUR-SULTAN. QazAqparat – «Astana» halyqaralyq qarjy ortalyǵynyń salyq esepteriniń ashyqtyǵy álemdik standarttarǵa sáıkestendirildi, dep habarlaıdy QazAqparat tilshisi.

Qarjy mınıstrliginiń málimetinshe, talaptardyń sáıkestigin Ekonomıkalyq yntymaqtastyq jáne damý halyqaralyq uıymy rastaǵan.

Aıta keteıik, 2016 jyly atalǵan uıym G20 elderimen birlesip, paıdany salyq tóńiregen shyǵarýǵa qarsy ınklıýzıvti baǵdarlama engizgen.

«Búginde baǵdarlama sheńberinde álemniń 135-ten astam elinde salyq tóleýden jaltarýshylarǵa qarsy jáne ashyq salyq saıasatyn qalyptastyrýǵa baǵyttalǵan 15 standart iske asyp jatyr. Osy oraıda, Ekonomıkalyq yntymaqtastyq jáne damý uıymy «Astana» halyqaralyq qarjy ortalyǵyna Qazaqstannyń BEPS standarttaryna sáıkestendirýdi usyndy. Osyǵan baılanysty 2021 jyly «Astana» HQO Qarjy mınıstrligimen kelisip, korporatıvtik tabys salyǵyn jáne qosylǵan qun salyǵyn tóleý boıynsha salyqtyq jeńildikterdi qoldanatyn elderdiń qatysýshysy erejelerin qabyldady», - delingen mınıstrliktiń habarlamasynda.

Qosa ketsek, buǵan deıin salyq mindettemelerin ýaqytyly oryndamaǵan zańdy tulǵalar endi áreketsiz dep tanylǵandar tizimine enýi múmkin ekenin habarlaǵan edik.