Astana qalasynyń sport mektebine balalardy qabyldaý kúni belgili boldy

ASTANA. QazAqparat - Astana qalasy ákimdiginiń № 2 mamandandyrylǵan balalar men jasóspirimder sport mektebi mánerlep syrǵanaý, konkımen júgirý, short-trek jáne basqa da qysqy sport túrleri boıynsha toptarǵa balalardy qabyldaıtyn ýaqytyn jarııalady, dep habarlaıdy QazAqparat «SPORTINFORM» SAA-ǵa silteme jasap. 

«Shańǵy tebý, konkımen júgirý sporty, short-trek, mánerlep syrǵanaý jáne sporttyq baǵdarlaý boıynsha bastapqy daıyndyq toptaryna balalardy qabyldaý 2018 jyly qyrkúıektiń bastapqy kúnderi júrgiziledi», - delingen mekteptiń resmı saıtynda.

Kúzgi qabyldaý jattyqtyrýshylardyń demalystaryn tolyqtaı ótkizýine, ata-analarǵa balalaryn konkýrstyq irikteýge oıdaǵydaı daıyndaýlaryna múmkindik beredi. Mektep ákimshiligi balalardyń konkı nemese shańǵy tebýdi mindetti túrde bilýi talap etilmeıtindigin atap ótti. Іrikteýdiń basty talaptary - jalpy dene shynyqtyrý jattyǵýlaryn sapaly oryndaý, jyldamdyq, eptilik, koordınatsııa jáne t.b.

Mektep shańǵy tebý, konkımen júgirý sporty jáne short-trek sektsııalaryna 9-11 jas, sporttyq baǵdarlaýǵa 7-9 jas, mánerlep syrǵanaýǵa 4-5 jas aralyǵyndaǵy balalar qabyldanatynyn eske saldy.