Astana qalasynda qysqy qaıyrymdylyq baly ótkiziledi

ASTANA. 5 jeltoqsan. QazAqparat - 2012 jyldyń 7 jeltoqsany kúni saǵat 19:00-de Astana qalasynda ata-anasynyń qaraýynsyz qalǵan balalarǵa qoǵam nazaryn aýdarý maqsatymen Qysqy qaıyrymdylyq baly ótkiziledi, dep habarlady «Bolashaq» qaýymdastyǵnyń bas pasóz qyzmeti.

Bıletter satylymynan túsken qarajat «SOS Astana balalar qalashyǵy» tárbıelenýshileriniń elimizdiń kolledjderi men joǵary oqý oryndarynda oqýyna jáne Balalar qalashyǵynda kontsert alańynyń qurylysyna jumsalady.

Baǵdarlama sheńberinde klassıkalyq mýzyka ansambliniń, «Versııa» vokaldy-aspaptyq ansambliniń, balet trýppasynyń oryndaýynda mýzykalyq nómirler, bal bıleri, lotereıa,  áıgili qazaqstandyq sýretshiler jumystarynyń aýktsıony ótkiziledi. Lotereıada Eýropanyń kez kelgen qalasyna baryp qaıtýǵa úsh bılet, Chantecler zergerlik úıiniń baǵaly áshekeıleri,elordanyń tańdaýly meıramhanalarynda úsh ret tamaqtaný bıletteri oınalady.  Dress-kod: black tie, keshki kıim.  

Keshti áıgili qazaqstandyq shoýmen Serik Aqyshev júrgizedi. Bılet quny - 15 000 teńge.

Іs-sharany «Air Astana» áýe kompanııasynyń kómegimen «Radisson Astana» qonaq úıi men «Bolashaq» qaıyrymdylyq qory uıymdastyrady.