Astana qalasyna QHR Tóraǵasynyń orynbasary keldi

ASTANA. QazAqparat - QR Premer-Mınıstri Álıhan Smaıylov elorda áýejaıynda Azııadaǵy ózara is-qımyl jáne senim sharalary jónindegi keńestiń VI sammıtine qatysý úshin Astana qalasyna kelgen Qytaı Halyq Respýblıkasy Tóraǵasynyń orynbasary Van Tsıshandi qarsy aldy, dep habarlaıdy QazAqparat.

Aıta keteıik, 12-13 qazanda Astanada Qazaqstannyń tóraǵalyǵymen AÓSShK qurý týraly bastamanyń 30 jyldyǵyna oraılastyrylǵan Azııadaǵy ózara is-qımyl jáne senim sharalary jónindegi keńestiń VI sammıti ótedi.

Aýqymdy saıası is-sharaǵa múshe memleketterdiń, baqylaýshy memleketterdiń, baqylaýshy uıymdardyń jáne seriktes uıymdardyń birinshi basshylary shaqyrylǵan. Barlyǵy 50-ge jýyq delegatsııa keledi dep kútilýde.

Foto:t.me/KZgovernment