Astana qalasy ákiminiń jańa orynbasary taǵaıyndaldy

ASTANA. QazAqparat - Andreı Lýkın Astana qalasy ákiminiń orynbasary bolyp taǵaıyndaldy. Bunyń aldynda QR Prezıdentiniń Jarlyǵymen Andreı Ivanovıch Lýkın Qazaqstan Respýblıkasynyń Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń birinshi orynbasary qyzmetinen bosatylǵan bolatyn.

Lýkın Andreı Ivanovıch 1961 jyly 28 shildede týǵan. Tselınograd ınjener-qurylys ınstıtýtyn, Qaraǵandy Memlekettik ýnıversıtetin bitirgen, zańger.

1985 - 1998 jyldar aralyǵynda Qazaqstan Respýblıkasy Іshki ister mınıstrligi organdarynda qyzmet ótkergen. Aqmola qalasy Shyǵys ishki ister bóliminiń bastyǵy, Aqmola qalasy Іshki ister basqarmasynyń bastyǵy, Memlekettik Tergeý Komıtetiniń bastyǵy.

1998 jylǵy mamyr - 2003 jylǵy shilde aralyǵynda - Astana qalasy Turǵyn úı departamentiniń bastyǵy, 2003 jylǵy shilde - qyrkúıek aralyǵynda - Qazaqstan Respýblıkasy Indýstrııa jáne saýda mınıstrligi Ákimshilik jáne quqyq jumysy departamentiniń dırektory, 2003 jylǵy qyrkúıek - 2005 jylǵy sáýir aralyǵynda - Qazaqstan Respýblıkasy Indýstrııa jáne saýda vıtse-mınıstri.

2005-2014 - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń orynbasary.

Qarjy polıtsııasynyń general-maıory.

ІI dárejeli «Dańq» ordenimen, birqatar medaldarmen jáne tósbelgilermen marapattalǵan.