Astana qalalyq sotynda «Eń úzdik kıiz úı» básekesi uıymdastyryldy

ASTANA. QazAqparat - Danalyqtyń uly meıramy áz-Naýryz alty Alashtyń aq ordasy - elorda tórindegi Astana qalalyq sotynda atalyp ótilýde,- dep habarlaıdy Astana qalalyq sotynyń baspasóz qyzmeti.

Keshe sot mańyna Tóle bı, Qazybek bı, Áıteke bı, Máńgilik Alash eli jáne Esil aýyly atanǵan 5 kıiz úı qurylyp, dýmandy kesh ásem sazdy án men kúmbirlegen tátti kúıge ulasty.

Saltanatty sharany QR Joǵarǵy sotynyń tóraǵasy Qaırat Mámı ashyp, Ulystyń Uly kúni áz Naýryz meıramymen quttyqtady.

Astana qalalyq sotynyń tóraǵasy Tilektes Bárpibaev Naýryz bereke men birliktiń, tazalyq pen tatýlyqtyń, rııasyz shattyqtyń, kóterińki kóńildiń bastaýy bolyp, elge qut-bereke darytatyn, rýhanı tazartatyn, adamzatty baqytqa, qýanyshqa bóleıtin tamasha mereke ekenin aıtyp, barsha qaýymdy Ulys meıramymen quttyqtady.

«Ulystyń uly kúni elimizge, jerimizge qut - bereke ala kelsin! Ulys oń bolyp, árbir kúnimiz Naýryz kúnindeı shýaqty bolsyn! Shańyraǵyńyzǵa Qydyr qonyp, baq darysyn!»,- dedi sot tóraǵasy Tilektes Bárpibaev.

Shara aıasynda «Eń úzdik kıi úı» saıysynan jarys uıymdastyrylyp, birinshi oryn «Máńgilik el», ekinshini Áıteke bı, al úshinshi oryndy Esil aýyly enshiledi. «Arqan tartýdan» Astana qalasy mamandandyrylǵan aýdanaralyq ákimshilik soty úzdik shyqty.

Dýmandy sharaǵa qatysqan Joǵarǵy Sot tóraǵasy qyzmetin atqarǵan, ardager sýdıa Mıhaıl Fedorovıch, Parlament Senatynyń depýtaty B.Beknazarov ózderiniń júrekjardy tilekterin arnady, dep habarlaıdyAstana qalalyq sotynyń baspasóz qyzmeti.