Astana qalalyq ІІD-de Joldaý talqylandy
Shara barysynda «Vaınah» sheshen-ıngýsh ulttyq-mádenı ortalyǵynyń tóraǵasy Salman Geroev pen «Quqyq» qoǵamdyq qorynyń jetekshisi Olga Ryl baıandama jasap, ІІD qyzmetkerleriniń suraqtaryna jaýap berdi.
«Bizdiń elordamyz Astanada beıbitshilik pen turaqtylyq ústemdik quryp, azamattarymyzdyń quqyqtary saqtalyp, qala halqy esh alańsyz ómir súrýi úshin quqyq qorǵaý organdary qyzmetkerleriniń atqaratyn qyzmeti orasan zor. Bizde baqylaý júıeleri bar ekenin bilemiz, basqa da qaýipsizdik júıeleri jumys jasap tur. Degenmen, azamattarymyzdyń turaqtylyǵy men qaýipsizdigi eń birinshi kezekte adamı faktorǵa, ár bir quqyq qorǵaý qyzmetkeri óz mindetin qalaı atqaratynyna tikeleı qatysty. Sondyqtan ІІD qyzmetkerleri Joldaýdy jan-jaqty talqylap, tereń túsine bilýleri qajet. Al mundaı maqsat barysynda osyndaı kezdesýler óte mańyzdy dep oılaımyn», - dep túsindirdi S. Geroev.
Onyń aıtýynsha, quqyqtyq tártipti saqtaý máselesin sheshýde etno-mádenı ortalyqtardyń da qatysýy aýadaı qajet.
«Biz azamattarymyzdyń toleranttylyq rýhta tárbıelenip, basqa ult ókilderine túsinistikpen qaraýyn únemi qadaǵalap otyramyz. Tek elimizdegi barlyq ult ókilderi bir-birine degen syılastyqpen, túsinistikpen qaraǵanda ǵana biz zańdardyń saqtalýyn qadaǵalap, turaqtylyq pen beıbitshilikti baıandy ete alamyz», - dedi S. Geroev.