Astana Hub startaptary 1 myńnan astam jumys ornyn qurdy
Astana Hub IT-startaptardyń halyqaralyq tehnoparkinde startaptardy damytýdyń tegin baǵdarlamasynyń qorytyndysyn shyǵardy. Áleýetti ınvestorlar aldynda joba ıeleri 5 jáne 6 akseleratsııa boıynsha 15 úzdik startap jobasyn qorǵady.
Demo Day aıasynda Astana Hub startaptar damytýdyń tegin baǵdarlamasynyń qatysýshylary úsh aılyq jumys pen tehnoparktegi oqý úderisinde qandaı jetistikterge jetkenderin aıtyp berdi. Túlekterdiń basty mindeti - startaptar - áleýetti ınvestorlardy qyzyqtyrý jáne olardyń jobalaryn damytýǵa ınvestıtsııa tartý. 5 jáne 6 bilim berý baǵdarlamasynyń akseleratsııa aǵymyna Nur-Sultan, Almaty, Aqtóbe, Shymkent, Tashkent qalalarynan qatysýshylar qabyldandy.
191 startap-joba Qazaqstan men Ózbekstannan (Tashkent) akseleratsııaǵa qatysýǵa ótinimderin jibergen bolatyn. Іrikteý týrynyń nátıjesi boıynsha MVP kezeńinde 60 sátti joba 12 apta ishinde odan ári damytý jáne masshtabtaý úshin irikteldi. Aıta ketetin jaǵdaı, akseleratsııa baǵdarlamasy kezeńinde startap-jobalardyń satý aınalymdary jalpy kólemi 91 mıllıon teńgege ósse, startaptar qurǵan jumys oryndarynyń sany 61 oryndy quraǵan bolatyn.
Bul elektrondyq kommertsııa, bilim berý, densaýlyq saqtaý jáne kompanııalardyń bıznes-protsesterin avtomattandyrý salasyndaǵy jobalar. Sonymen qatar, Demo Day nátıjeleri boıynsha B2B áleýetti ınvestorlarmen, kásipkerlermen jáne startap jobalarynyń seriktesterimen kezdesý ótkizildi.
Akseleratsııa baǵdarlamasynyń operatorlary - startaptar úshin údeý baǵdarlamalaryn uıymdastyrýǵa mamandanǵan YellowRockets toby boldy. Kompanııa jetekshi reseılik jáne halyqaralyq venchýrlik qorlarmen, damý ınstıtýttarymen, bıznes-perishteler qaýymdastyqtarymen jáne korporatsııalarmen jumys isteıdi.
«Astana Hub - bul klassıkalyq tehnopark qana emes, sonymen birge qoldaý ınstıtýty jáne iske qosý údetkishi. Munda startaptarǵa salyq jeńildikteri, medıa qoldaý jáne komanda úshin jumys oryndary beriledi. Akseleratsııa baǵdarlamasy - startaptarmen jumys isteýdiń eń tıimdi quraly, ázirge olar álemde túbegeıli eshteńe oılap tapqan joq. Astana Hub údetkishi kezekti rette halyqaralyq boldy dep aıtýǵa bolady. Sońǵy aǵymda Ózbekstannan kelgen qatysýshy boldy. Aldyńǵy aǵymda Reseıden kelgen qatysýshylar kirdi», - dep bólisti «YellowRockets» akseleratsııa bóliminiń bastyǵy Arkadıı Seleznev.
«Joba baǵdarlama nátıjesi boıynsha ınvestıtsııalardy tarta alatyn bolsa, jaqsy. Biraq akseleratsııanyń basty maqsaty - bul tipti ınvestıtsııa tartý emes, startap negizin qalaýshy men komanda alatyn bilim men jumys daǵdylary. Eger joba akseleratsııa kezinde nemese odan keıin jabylsa, bul jaman nátıje emes. Bul kásipker bıznes-model konvertatsııalanbaıtyndyǵyn jáne óziniń jáne ınvestordyń aqshasyn, sonymen birge ýaqytty únemdeıtinin túsinedi. Kelesi jobanyń sáttilik yqtımaldyǵy birneshe ese kóp, álemdik statıstıka bul týraly aıtady. Sonymen qatar, Astana Hub óte motıvatsııalyq startaptarǵa ıe. Olar jaýapty, usynystardy muqııat tyńdaıdy, ádisnamany ustanady jáne nátıjesinde jaqsy nátıjelerge qol jetkizedi», - dedi sarapshy.
Astana Hub baspasóz qyzmetiniń habarlaýynsha, Astana Hub askeleratsııa baǵdarlamasy halyqaralyq sarapshylardyń 200 saǵattyq oqý semınarlary, sala mamandarymen 240 saǵat jeke konsýltatsııalar, joba boıynsha jeke trekeri bar 30 bilim berý modýlderi, 17 ǵylymı-zertteý zerthanalaryna kirý múmkindikteri, sonymen qatar elimizdiń BAQ ortalyqtarynda ornalasyp ózderi jaıynda aıtýǵa múmkindikteri bar.
Bilim berý is-sharalarynan basqa Astana Hub kásibı netvorkıng, tegin keńse keńistigin, sondaı-aq Tehnoparktiń resmı tirkelgen qatysýshylary úshin erekshe salyq jáne vızalyq rejımdi usyný túrinde qazaqstandyq tehnologııalyq startaptardy belsendi damytýǵa jaǵdaı jasaıdy.
«Biz alǵash ret akseleratsııanyń eki aǵynyn qatar iske qostyq jáne mundaı tájirıbe Qazaqstandaǵy startaptardyń damýy men kásipkerliktiń qoǵamnyń ekonomıkalyq damýynyń qozǵaýshy kúshi ekenin túsindik. Qazaqstandyq startaptarda tek tamasha ıdeıalar ǵana emes, olardy júzege asyrýǵa umtylý da bar. Olardyń ınnovatsııalyq kózqarasy men eńbeksúıgishtigi ekonomıkalyq jáne áleýmettik salalardaǵy oń ózgeristerge – naryqta jańa ónimderdiń paıda bolýyna, qosymsha jumys oryndaryn qurýǵa, Qazaqstanda adamdardyń ál-aýqatynyń deńgeıin arttyrýǵa yqpal etedi. Árıne, mundaı mindetter joq jobalar bar, biraq biz Astana Hub komandasymen osy maýsymda úlken jumys júrgizdik jáne búgin aıtylǵan nátıjeler - trekerlerdiń, mentorlardyń jáne barlyq startap-komandalardyń kollaboratsııasynyń jemisi», - dep habarlady Astana Hub IT-startaptardyń halyqaralyq tehnoparkiniń atqarýshy dırektory Ádilet Nurǵojın.
Esterińizge sala keteıik, Astana Hub-da startap mektebi, trekerler mektebi, ınkýbatsııa jáne akseleratsııa sııaqty startaptardy damytý baǵdarlamalary jumys isteıdi. Tehnoparktiń bilim berý jobalary 400-den astam startap-jobadan ótti. Barlyq jumystyń mańyzdy nátıjesi - Tehnoparktiń akseleratsııalyq baǵdarlamalaryna qatysýshylardyń jumys oryndaryn qurýy boldy. Osyǵan oraı, Astana Hub startap-jobalarymen 1 243 jumys orny quralǵan bolatyn.