Astana Hub óńirlerdegi jas kásipkerlerdiń biliktiligin arttyrmaq
Atalǵan uıym «Startap Sapary» atty baǵdarlamasymen IT salasyndaǵy ıdeıasy bar barlyq jas kásipkerler úshin «Startap mektebi» kýrsyn usyný úshin Qazaqstannyń óńir ortalyqtaryn aralamaq.
«Biz eldegi tehnologııalyq startaptardy damytý boıynsha qoldaý sharalary boıynsha belsendi jumys istep jatyrmyz. Tehnoparkte akseleratsııa, ınkýbatsııa sııaqty startaptardy damytýdyń aqysyz baǵdarlamalary bar. Olar boıynsha oqytý tegin. Sondaı-aq, jaqynda biz óńirler úshin onlaın oqytý ótkizdik. Jyl ishinde startaptardyń jumys nátıjesi -17 mıllıard teńgeden astam somaǵa óz jobalaryn damytýǵa ınvestıtsııa tartý jáne 1000-nan astam jumys oryndaryn qurý. Búgin bizdiń sarapshylar komandasy óz bilimderimen bólisýge jáne óz tájirıbelerin elimizdiń óńirlerine taratýǵa daıyn. Startup Sapary baǵdarlamasynyń qorytyndysy boıynsha biz ár óńir úshin jeke IT-kásipkerlikti damytý josparyn ázirleýdi josparlap otyrmyz»,- dedi Astana Hub IT-startaptar halyqaralyq tehnoparkiniń basqarýshy dırektory Marlen Sıhaev.
Baspasóz qyzmetiniń málimetinshe, bir aı ishinde Astana Hub komandasy eldiń 17 óńirine barady. Sapar kestesi Tehnoparktiń saıtynda jarııalanǵan. Startup Sapary baǵdarlamasy Petropavlda, Atyraý men Qyzylordada, Túrkistan, Oral men Aqtaýda tanystyryldy. Tehnopark komandasy Qaraǵandy, Kókshetaý, Taraz, Óskemen, Pavlodar jáne Taldyqorǵan qalalaryna jol tartpaq.
Bolashaqta Astana Hub tehnoparki Qazaqstanda ІT-kásipkerlikti damytý men birlesken jobalardy qurý úshin óńirlerdiń tehnoparkterimen tyǵyz yntymaqtastyqty josparlap otyr. Sapar qorytyndysy boıynsha Astana Hub tehnoparkiniń oqytý baǵdarlamalary men ádisnamasyn qamtıtyn ár óńirdi damytý boıynsha jeke yntymaqtastyq josparyn ázirleý josparlanýda.