Astana Hub-qa 4,8 mlrd teńge tartýymyz qajet - Dáýren Abaev
«Ótken jyly biraz sharýa atqaryldy. Osy ýaqytqa deıin úsh akseleratorlyq baǵdarlama ótkizilip, 47 startap irikteldi. Sonyń nátıjesinde shamamen 180 mıllıon teńge kólemindegi ınvestıtsııalar tartyldy. Bıyl biz Astana Hub-qa 4,8 mıllıard teńgeni tartýymyz qajet. Osyǵan baılanysty vıtse-mınıstr Dınara Şeglovaǵa «Zerde» xoldıngimen birlese otyryp, tıisti jol kartasyn ázirleýdi tapsyramyn», - dedi D.Abaev mınıstrliktiń alqa májilisinde.
Mınıstrdiń aıtýynsha, texnoparktiń tıimdi jumysy úshin barlyq jaǵdaı jasalǵan. Venchýrlyq qarjylandyrý zańnamasy qabyldandy. Osylaısha, ınvestorlar da, ınnovatorlar da emin-erkin jumys isteı alady.
«Bıyl biz zańnamany jetildirý jumysy jalǵasady. Qazirdiń ózinde mınıstrlik tsıfrlyq tehnologııalardy retteý boıynsha birqatar ózgerister ázirlendi. Sonyń arqasynda blokcheın, jasandy ıntellekt, robotızatsııa, bıometrııalyq aýtentıfıkatsııa sııaqty salalardy tezdetip damytýǵa bolady», - dep atap kórsetti D.Abaev.
Aıta keteıik, alqa májilisine QR Premer-Mınıstriniń orynbasary - QR Qorǵanys jáne aeroǵarysh ónerkásibi mınıstri Asqar Jumaǵalıev te qatysyp, Astana Hub-ty damytýdyń mańyzdylyǵyn jetkizdi. «Astana Hub-qa ózimiz kúsh salmasaq, syrttan eshkim kómektespeıdi», - deıdi A.Jumaǵalıev. Sondaı-aq, ol anyqtamalardy barynsha qysqartýdy tapsyrdy.