«Astana Hub» ınnovatsııalyq ekojúıeniń ózegine aınalady
«Astana Hub» halyqaralyq ІT-startaptar tehnoparki ınnovatsııalyq ekojúıeniń ózegine aınalady. Tehnopark qatysýshylary jeńildetilgen vızalyq jáne eńbek rejimderin paıdalana alady. Olarǵa salyqtyq jáne ózge de jeńildikter beriledi. Onyń bazasynda mentorlyq ınstıtýty qurylyp, sarapshylar startap-komandalardy súıemeldeıtin bolady. Búgin men R&D zerthana jumysymen , startap-kompanııalarlarmen tanystym. Munyń barlyǵy qatty tańǵaldyrady ári qýantady. Eger EKSPO-2017 bolmaǵanda bul ǵımarat ta bolmas edi», - dedi Elbasy.
Qazaqstan Prezıdenti elimizdiń jastar startap jobalaryn damytý úshin arnaıy ǵımarat saldyrmaq oıy bolǵanyn atap ótti.
«Degenmen, endigi ýaqytta elimizde tabysty ótken EKSPO-2017-den qalǵan daıyn ǵımaratty paıdalanamyz. Endigi ýaqytta bizge ІT-talanttardyń jańa generatsııasyn tabysty júrgizý qajet. Negizgi maqsat - aqyldy, talantty, qabildetti balalarǵa járdem men kómek kórsetý. Biz jeke bastamalardy, baǵdarlamalaý mektepterin, robototehnıka men kıbersport boıynsha spartakıadalar men olımpıadalardy jan-jaqty qoldaımyz. Joǵary oqý oryndarynda bilim berý baǵdarlamasy jańartyldy», - dedi Memleket basshysy.
Sonymen qatarǵ Elbasy búginde óz betterinde halyqaralyq naryq shyqqan jastarymyzdyń da bar ekendigin, olardyń jetistikterine qýanatyndyǵyn basa aıtty.
Buǵan deıin Elbasy Nursultan Nazarbaev «Astana Hub» jumysyn resmı iske qosqanyn habarlaǵan edik. Sondaı-aq, Qazaqstanda ІT-ýnıversıtet qurylady.