«Astana hub» arqyly jeńildik alǵan maınıng fermalar: Baǵdat Mýsın pikir bildirdi

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Astana hub» tehnoparkine tirkelý arqyly jeńildikter alǵan maınıng fermalar týraly pikir bildirdi, dep habarlaıdy QazAqparat tilshisi.

«Astana hub» boıynsha aıtsam, bul tehnoparkke 574 qatysýshy tirkelgen. Onyń ishinde tek beseýiniń maıınıngpen aınalysyp júrgenine kóz jetkizdik. Ol beseýdiń bireýi ǵana óziniń maınıngpen aınalysatynyn moıyndady. Qalǵan tórteýi derekterdi óńdeý ortalyǵyna aqpat jıyntyǵyn óńdeý boıynsha qyzmet kórsetemiz dep otyr. Olarmen sottassa, is ońaıǵa soqpaýy múmkin. Óıtkeni olar zań ólshemimen alǵanda rasymen de derekterdi óńdeýmen aınalysqan bolyp shyǵady», - dedi Baǵdat Mýsın «Tsıfrlyq Qazqastan» baǵdarlamasynyń aralyq nátıjesi talqylanǵan jıynda.

Onyń paıymynsha, bul problemalardy tsıfrlyq aktıvter týraly zań aıasynda retteýge bolady.

«Búgin depýtat E. Smyshlıaeva tsıfrlyq aktıvter týraly zań jobasyn bastama etip kóterdi. Depýtatpen birge jumys istep jatyrmyz. Qazir qujat Prezıdent Ákimshiliginiń qaraýynda jatyr. Ol qujatta da baqylaýǵa qatysty kóptegen másele bar. Memleket basshysy tıisti salyǵyn tólep otyrǵan «aq maınerlerge» tıispeńder dep otyr», - dedi mınıstr.

Eske salsaq, maınıng fermalar «Astana hub» arqyly 8,5 mlrd teńgeniń jeńildigin alǵany belgili boldy.