«Astana Hub» alańynda tsıfrlandyrý máselesi talqylandy

ASTANA. QazAqparat -Aqparat jáne baılanys mınıstri Dáýren Abaev pen Syrtqy ister mınıstri Qaırat Ábdirahmanov «Astana Hub» halyqaralyq IT-startaptar tehnoparki alańynda boldy. Bul týraly QazAqparat SІM baspasóz qyzmetine silteme jasap habarlaıdy.

IT-startaptar tehnoparki alańynda «Tsıfrlyq Qazaqstan» memlekettik baǵdarlamasyn iske asyrýǵa sheteldik áriptesterdi tartý máselesi boıynsha vedomstvoaralyq yntymaqtastyqty talqylandy.

Tehnologııalar transfertine, «Astana Hub» halyqaralyq IT-startaptar tehnoparkiniń negizinde birlesken jobalardy júzege asyrýǵa sheteldik áriptesterdi tartý máselesine erekshe nazar aýdaryldy.

Sheteldik venchýrlyq qorlardy, iri halyqaralyq IT-komandalar men kompanııalaryn tartýǵa, sondaı-aq roýd-shoýlarǵa, bıznes-forýmdarǵa jáne «Astana Hub» jumysyn dáripteý úshin basqa da is-sharalarǵa qatysýǵa járdemdesý qajettigi ataldy.

 Sonymen qatar, halyqaralyq tehnoparktiń sheteldik áriptesteriniń vızalyq qoldaý jáne olardyń Qazaqstanda bolýyn retteý máselelerine erekshe nazar aýdaryldy.