«Astana» HQO «Jahandyq qumsalǵysh» baǵdarlamasyn iske qosty
Qarjylyq ınnovatsııalardyń jahandyq jelisi (Global Financial Innovation Network nemese GFIN) - bul Ulybrıtanııanyń qarjylyq qyzmetin baqylaý jónindegi basqarýdy, Halyqaralyq valıýta qoryn, Dúnıejúzilik bank tobyn jáne qarjy qyzmetterin retteý jónindegi AHQO komıtetin qosa alǵanda, 29 álemdik qarjylyq retteýshi men uıymdardan turatyn birlestik. GFIN ınnovatsııa salasynda yntymaqtastyq jáne tájirıbe almasý; retteýshi tehnologııalarmen (RegTech) baılanysty máseleler boıynsha bilim almasý; kompanııalarǵa bir mezgilde Qazaqstan, Ulybrıtanııa, AQSh jáne basqa da ıýrısdıktsııalardy qosa alǵanda, birneshe elde ınnovatsııalyq ónimderdi, qyzmetterdi nemese bıznes-modelderdi testileýge múmkindik berý maqsatynda qurylǵan.
«Biz osy bastamanyń bir bóligi bolýǵa qýanyshtymyz. GFIN álemdik qarjy júıesiniń turaqtylyǵyn qoldaý maqsatynda retteýshi-pikirlester arasyndaǵy yntymaqtastyqqa yqpal etedi. Bul joba ádil, transparentti jáne tıimdi negizde transshekaralyq qarjylyq qyzmetterdi damytý boıynsha AHQO mindetteriniń birin iske asyrýǵa járdemdesedi», - dep atap ótti AHQO komıtetiniń qarjylyq tehnologııalar jónindegi basqarýshy dırektory Asylbek Davletov.
«Jahandyq qumsalǵyshta» testileýden ótý úshin qatysýshy retteýishterdiń tizimin, tıisti talaptardy qarap shyǵyp, ótinimdi 2019 jylǵy 28 aqpanǵa deıin berý qajet. Qatysýǵa nıet bildirýshiler testileý ótkizgisi keletin elderdiń retteýshi talaptaryna sáıkes bolýy tıis. GFIN músheleriniń ókilettikteri men mindetterin myna jerden kórýge bolady. GFIN sondaı-aq basqa qarjylyq retteýishter men halyqaralyq uıymdardy jelige qosylýǵa shaqyrady.
GFIN jáne pılottyq testileýdi ótkizýge bolatyn elderdiń tizimi týraly qosymsha aqparat alý úshin silteme boıynsha ótińiz.