«Astana» HQO-sy Qazaqstannyń jahandyq oıynshylar úshin ashyqtyǵyn bildiredi - Ross
«Astana» halyqaralyq qarjy ortalyǵynyń ashylýy - bul jahandyq oıynshylar úshin eldiń ashyqtyǵynyń belgisi. Biz Ortalyq Azııa jónindegi kelisimnen taımaımyz jáne bul búkil óńirge múmkinshilik beredi. Bul Prezıdent Nursultan Nazarbaevtyń barynsha qarqyndy ekonomıkaǵa jetý jolyndaǵy kóregendigin kórsetedi», - dedi Ýılbýr Ross.
Ol «ashyq áýe ustanymy» jónindegi amerıkalyq-qazaqstandyq kelisimge taıaý arada qol qoıylatyndyǵyna senimdi ekendigin jetkizdi. Atalǵan qujat Qazaqstan men Amerıka Qurama Shtattarynyń qalalary arasyndaǵy ushý shekteýlerin alyp tastaý degendi bildiredi. Shekteýlerdiń alynýy taıaý arada eki eldiń arasyndaǵy áýe kóligimen qatynaıtyn jolaýshylar legin arttyra túsedi.
Sonymen qatar AQSh mınıstri eki eldiń munaı men gaz salasyndaǵy yntymaqtastyǵy barynsha joǵary deńgeıde ekendigin basa aıtty.
Aıta keteıik, forým jumysynda QR Premer-Mınıstriniń birinshi orynbasary Asqar Mamın, 20-dan astam amerıkalyq kompanııanyń basshysy, qazaqstandyq bıznes ókilderi, mınıstrlikter men vedomstvolardyń basshylary qatysty.
Shara aıasynda aýyl sharýashylyǵy, ınfraqurylymy, avıaqurylys, tsıfrlandyrý jáne aqparattyq tehnologııalar salalaryn qamtıtyn 8 ekijaqty qujatqa qol qoıyldy.
Esterińizge sala ketsek, AQSh-tyń Saýda mınıstri Ýılbýr Ross elimizge sapary aıasynda Elbasy Nursultan Nazarbaevpen jáne QR Premer-Mınıstri Baqytjan Saǵyntaevpen kezdesken bolatyn.