«Astana» HQO men EQQDB nıettestik týraly Hattamaǵa qol qoıdy

ASTANA. QazAqparat - «Astana» halyqaralyq qarjy ortalyǵy (AHQO) men Eýropa qaıta qurý jáne damý banki (EQQDB) nıettestik týraly Hattamaǵa qol qoıdy, dep habarlaıdy QazAqparat

Búgin EQQDB prezıdenti Sýma Chakrabartıdiń Qazaqstan Prezıdenti janyndaǵy Sheteldik ınvestorlar keńesine qatysý úshin Astanaǵa sapary aıasynda EQQDB men AHQO arasynda nıettestik týraly Hattamaǵa qol qoıyldy.

Bul joba AHQO bırjasyn qurý boıynsha AHQO men EQQDB arasyndaǵy yntymaqtastyqty qamtıdy.

Qarjy ınstıtýttary AHQO men onyń bırjasynyń damýyna arnalǵan tehnıkalyq kómek boıynsha jobany birge júzege asyrmaq. Atap aıtsaq, AHQO bırjasynyń erejeleri halyqaralyq talaptarǵa sáıkes daıyndalatyn bolady.

AHQO Basqarýshysy Qaırat Kelimbetovtiń aıtýynsha, EQQDB-men aradaǵy yntymaqtastyq álemdik ınvestıtsııalyq qaýymdastyq turǵysynan AHQO bırjasynyń erejeleri men reglamentterine degen senimniń kepili bolmaq. Sebebi EQQDB bank, qarjy júıesin reformalaý, normatıvti-quqyqtyq bazany qurylymdaý jáne korporatıvtik basqarý boıynsha asa baı tájirıbege ıe.

EQQDB prezıdenti Sýma Chakrabartıdiń aıtýynsha, 2017 jyldyń kúzinde iske asyryla bastaıtyn Hattama AHQO bırjasynyń damýyna yqpal etip, AHQO men EQQDB arasyndaǵy baılanysty nyǵaıta túspek.