12:59, 12 Shilde 2018

Astana - Helsınkı áýe reısi qaıta jandandy

ASTANA. QazAqparat - Finnair áýe kompanıasy Astanaǵa áýe baǵytyn qaıta jandandyrdy. «Nursultan Nazarbaev halyqaralyq áýejaıy» AQ baspasóz qyzmetiniń habarlaýynsha, ushý baǵyttary bıylǵy jylǵy shildeden qyrkúıek aıyna deıin aptasyna eki ret sársenbi jáne juma kúnderi yńǵaıly Airbus 319 ushaǵy arqyly júzege asyrylady. Ushý ýaqyty tórt saǵat.

Esterińizge sala keteıik, 2017 jylǵy jazǵy aılarda Finnair áýe kompanıasy úsh myńnan asa jolaýshyǵa qyzmet kórsetti.

Atalǵan baǵytty qaıta jańartý qazaqstandyq jolaýshylarǵa Santa Klaýstyń otanyn kórýge, ári olardyń jaıly áýe kemesimen Helsınkı -Vantaa áýejaıy arqyly Eýropanyń 70 ten asa jáne Azıanyń 19 qalasyna saıahat jasaýyna múmkindik berse, fınlıandıalyq saıahatshylar elimizdiń kórikti jerlerin aralaıtyn bolady.

Finnair - Fınlıandıadaǵy ulttyq áýe tasymaldaýshy, ári eldegi eń iri áýe kompanıasy. Onyń ornalasqan jeri Helsınkı-Vantaa áýejaıy. Oneworld alıansynyń quramynda. Kompanıanyń negizgi aksıoneri - Fınlıandıa úkimeti.

Jańa álipbı. Aprobatsııa

bez avtora