«Astana» halyqaralyq bırjasy post-treıdıng qyzmetter boıynsha platformany iske qosýda

ASTANA. QazAqparat - «Astana» halyqaralyq bırjasy («AIX») tıisti ınfraqurylymdyq sheshimderdiń jahandyq ázirleýshisi Avenir Technology Limited usynǵan treıdıngten keıingi qyzmetter boıynsha baǵdarlamalyq-tehnıkalyq sheshimdi iske qosady, dep habarlaıdy AHQO baspasóz qyzmeti.

Avenir-men bes jyldyq kelisim-shart baǵaly qaǵazdar tirkeýshisi men baǵaly qaǵazdardyń ortalyq Depozıtarııin (CSD) ázirleýdi jáne tehnıkalyq qoldaýdy kózdeıdi.

Jaqynda Astana bırjasy Avenir baǵdarlamalyq qamtamasyz etýdiń ónerkásiptik nusqasyn engizýdi aıaqtady. CSD barlyq on qatysýshysy Avenir platformalaryna qosylǵan, olar SWIFT arqyly post-treıdıng operatsııalaryn qarastyrady. Infraqurylymdy tolyq synaý, onyń ishinde naryqtyń barlyq qatysýshylaryn tarta otyryp, tolyq tsıkldi úsh testileý, sondaı-aq Exactpro táýelsiz saraptama kompanııasynyń testileýi ótkizildi.       

«AHQO bırjasy Qazaqstan men kórshiles elder úshin álemdik deńgeıdegi tıimdi qor alańyna aınalady. Qaýipsiz jáne senimdi saýdadan keıingi ınfraqurylymdy qamtamasyz etý úshin, bizdiń talaptarǵa beıimdele alatyn kásibı tehnologııalyq provaıder qajet boldy. Biz tájirıbeli ónim berýshimen áriptestikte bırjadaǵy saýdany iske qosýǵa daıyn bolǵanymyzǵa óte qýanyshtymyz», - dedi Tımotı Bennett, AHQO Bırjasy Basqarma Tóraǵasy.

Avenir 2014 jyldan bastap qarjy naryǵynyń ınfraqurylymy úshin sheshimder usynady jáne búkil álem boıynsha kemeldengen jáne damýshy naryqtarda ornalasqan kompanııalardyń ósip kele jatqan sanymen jumys isteıdi.

 «Biz sońǵy tórt jylda bolashaqtyń qarjylyq naryǵynyń ınfraqurylymyna arnalǵan sheshimderdi usyný úshin álemniń damýshy naryǵymen belsendi túrde jumys jasap kelemiz. Biz Qazaqstanda osyndaı kelisimshartqa qol jetkizgenimizge qýanyshtymyz», - dedi  Avenir enshilesi men dırektory Martın Beın.