Astana halqynyń 95 paıyzynda elektrondy densaýlyq pasporty bar
Densaýlyq saqtaý basqarmasynyń basshysy Kamaljan Nadyrovtyń baspasóz máslıhatynda «Smart medıtsına» jobasynyń qalaı júzege asyp jatqanyn aıtty.
«Joba sáýir aıynda bastaldy, osy aralyqta biz medıtsınalyq qujattardy tsıfrlandyrý boıynsha kóp jumys atqardyq. Astana halqynyń jáne qonaqtarynyń 95 %-nyń elektrondy densaýlyq pasporty bar. Osylaısha biz ýaqyt óte kele dárigerdi qaǵazbastylyqtan qutqaramyz. Jobamen medıtsınalyq qujattardyń 70 túri tsıfrlandy. Keı jýrnaldardy jáne syrtqat tarıhyn, ambýlatorly kartalardy alyp tastadyq. Bul dárigerlerdiń naýqasqa kóp kóńil bólýine múmkindik berdi», - dedi qoǵamdyq densaýlyq saqtaý basqarmasynyń basshysy.
Osy joba aıasynda mobıldi qosymsha iske qosylady, ol arqyly naýqas óziniń málimetterin jáne dárigerdiń qabyldaýyna jazyla alady. Odan bólek jýyqta «Jedel járdem úshin jasyl jol» aty pılottyq joba iske qosyldy, ol arqyly jedel járdem júrgizýshisi shaqyrtýǵa keshigip bara jatsa kólikte ornatylǵan bastyrma arqyly baǵdarshamnyń jasyl túsin qosa alady.
«Málimet boıynsha syrqat janǵa jetý 20-25 paıyzǵa qysqaryp jatyr, ıaǵnı adam ómirin saqtap qalýdyń múmkindigi arta tústi degen sóz», - dedi Qamaljan Nadyrov.
«Jasyl jol» - Astana ákimdigi men Densaýlyq saqtaý mınıstrliginiń birlesken jobasy.