Astana halqyna satylyp jatqan kómir sapasy tekseriledi - ákim

ASTANA. QazAqparat – Astana ákimi Jeńis Qasymbektiń Baıqońyr aýdany turǵyndarymen kezdesýinde qalaǵa ákelinip jatqan kómirdiń sapasy nashar ekeni aıtyldy, dep habarlaıdy QazAqparat tilshisi.

«Kópqabatty úıde turatyn halyqtyń aýa sapasy týraly shaǵymyna jaýap bergim keledi. Aýany lastap jatqan biz emes, sapasyz kómir. Qashan bizge sapaly otyn ákeledi? Buryn Shubarkóldiń kómirin ákeletin. Ony jaqqanda tútikten shyqqan tútin áreń kórinetin. Al qazir qara túnek basyp ketedi. Keıingi úsh jylda osyndaı másele paıda boldy. Bizge ákeletin kómirdi mazýtpen maılap qoıatyndaı tipti. Jaqsań, jylýy joq. Onymen qoımaı úıdiń aýasyn buzady. Jaqsy kómirdiń bári eksportqa ketip jatyr ma, degen kúdik týyndaıdy», - dedi turǵyn.

Jeńis Qasymbek kómir sapasyn tekserýge ýáde berdi.

«Shubarkól kómiri eksportqa jiberilmeıdi. Al sizder jaǵyp otyrǵan kómir sapasyna kelsek, tekseremiz. Turǵyndar kómir satyp alyp júrgen ýchaskeni baryp tekserińizder. Ondaǵy kómir talapqa saı ma, joq pa, anyqtaý kerek», - dedi qala ákimi.