Astana halqy 1 mln 376 myńǵa jetti

ASTANA. QazAqparat – Astana halqy 1 mln 376 myńǵa jetti. Bul týraly «Astana bas jospary» ǵylymı-zertteý jobalaý ınstıtýty» JShS dırektorynyń orynbasary Serik Ábdirahmanov aıtty, dep habarlaıdy QazAqparat tilshisi.

«2023 jyldyń 1 maýsymynda elorda turǵyndarynyń sany 1 mln 376 myń adamǵa jetti. Halyqtyń jyl saıynǵy ósimi 50 myńnan astam adamdy quraıdy», - dedi búgin qoǵamdyq talqylaý barysynda «Astana qalasynyń 2035 jylǵa deıingi bas josparynyń» jańa jobasyn tanystyrǵan Serik Ábdirahmanov.

Atap ótýinshe, qazirgi qoldanystaǵy 2016 jylǵy bas josparǵa sáıkes, elorda aýmaǵy 71 myń gektar bolatyn. Biraq, 2017 jyldyń 6 aqpanynda Prezıdent Jarlyǵymen Astanaǵa Aqmola oblysynyń Tselınograd aýdanynyń 8 719 gektar jeri qosyldy. Osylaısha, qala aýdany 79,7 myń gektarǵa jetip otyr.

Buǵan deıin «Astana qalasynyń 2035 jylǵa deıingi bas josparynyń» jańa jobasy boıynsha qoǵamdyq talqylaý ótkenin jazǵan edik.

Elordadan 30 shaqyrym radıýsta boljamdy halyq sany 283 myń adamdy quraıtyn 39 eldi meken ornalasqan.