Astana Half Marathon: 16 maýsym kúni qaı kósheler jabylady

<p>ASTANA. KAZINFORM &ndash; 2024 jyldyń 16 maýsymynda Astana Half Marathon úshinshi ret ótkiziledi. Bıyl álemniń 20-dan astam elinen 6 000 qatysýshy sórege shyǵady. Astana Half Marathon uıymdastyrýshylary elorda turǵyndary men qonaqtaryn 16 maýsym kúni joldarda kólik qozǵalysy ishinara jabylatyny jaıly habardar etti.&nbsp;</p>

Astana ákimdigi resmı saıtynyń málimetinshe, qozǵalys kezeń-kezeńimen ashylyp, tańǵy 10-ǵa deıin tolyq qalpyna keledi. Sondaı-aq jarys baǵyty EXPO-dan bastalyp, qalanyń kórikti jerleri arqyly Astananyń júregi – «Báıterek» monýmenti, «Han Shatyr» saýda, oıyn-saýyq ortalyǵy, «Táýelsizdik» saraıy, Botanıkalyq baq, «Beıbitshilik jáne kelisim» saraıy, Ábý-Dabı Plaza jáne Ulttyq mýzeı arqyly ótedi.

Túrkistan kóshesi 28/4 kóshesinen Syǵanaq kóshesine deıingi qozǵalys 16 maýsym kúni saǵat 06:30-dan 07:30-ǵa deıin, Syǵanaq kóshesi Túrkistan kóshesinen J.Nájimedenov kóshesine deıingi qozǵalys 07:10-nan 08:35-ke deıin, J.Nájimedenov kóshesi Sh.Qaldaıaqov kóshesinen Táýelsizdik dańǵylyna deıingi qozǵalys 07:10-nan 08:35-ke deıin jabyq bolady. Táýelsizdik dańǵyly boıynsha J.Nájimedenov kóshesinen A.Baıtursynuly kóshesine deıingi qozǵalys 07:20-dan 08:00-ge deıin, Túrkistan kóshesi Syǵanaq kóshesinen Qonaev kóshesine deıingi jolda qozǵalys 06:35-ten 08:45-ke deıin, Qonaev kóshesi Túrkistan kóshesinen Turan dańǵylyna deıingi qozǵalys saǵat 07:30-dan 09:00-ge deıin, Qonaev kóshesi «Han Shatyr» SO aýmaǵynyń aınalasy 07:35-ten 09:05-ke deıin, Dostyq kóshesi Turan kóshesinen Aqmeshit kóshesine deıingi qozǵalys 07:45-ten 09:15-ke deıin jabylady.

«EXPO» HKO aınalasynda Dostyq kóshesinen Túrkistan kóshesine deıin Aqmeshit kóshesi boıynsha qozǵalys 07:05-ten 10:00-ge deıin jabylatyn bolady.
Derekter jarysqa qatysýshylardyń júgirip ótý ýaqytyn eskere otyryp engizildi.

«EXPO» HKO-ǵa avtokólikpen jetý úshin usynylatyn baǵyt:

1) Turar Rysqulov kóshesimen;

2) Máńgilik El kóshesi arqyly Qonaev kóshesinen Ábish Kekilbaev kóshesine deıin;

3) Qabanbaı batyr dańǵylymen «MEGA Silk Way» SO.

«Joldarda keptelis bolyp ketý múmkindigine baılanysty qatysýshylarǵa sóre ornyna Rysqulov kóshesi men Máńgilik El dańǵylynyń qıylysyna deıin avtobýspen («EXPO» HKO) jetý usynylady. Joldardyń jabyq bolýyn eskere otyryp, sórege ońtaıly jol júrý baǵytyn 2GIS qosymshasynda oılastyryp alýǵa bolady. Sizderdiń nazarlaryńyzǵa sórelik qalashyq («EXPO» HKO) mańynda kólikti turaqqa qoıý múmkin bolmaıtynyna nazar aýdaramyz», - delingen habarlamada.

Esterińizge sala keteıik, 2024 jyldyń 29 qyrkúıeginde (jeksenbi) Almatyda Ortalyq Azııadaǵy eń iri júgirý jarysy – Almaty Marathon ótedi. Álemniń 50-den astam elinen kelgen sportshylar jyl saıyn qalanyń eń mańyzdy, kórikti jerlerimen júgiredi.

Almatydaǵy marafon – bul jaı ǵana sport emes, adamdarǵa kómek kórsetý. Almaty Marathon uıymdastyrýshylary jyl saıyn sórelik jarnalardan túsken aqshanyń bir bóligin muqtaj jandarǵa jáne sporttyq ınfraqurylymǵa jumsaıdy. 2024 jyly Almatyda marafon 13-ret ótedi. Іs-sharaǵa tirkelý almaty-marathon.kz saıtynda ashyq.

Sóre ýaqyty:

06:35 – 10 km qashyqtyqtyǵy men skandınavııalyq júris sóresi.

07:00 – 21,1 km qashyqtyqtyǵynyń sóresi.

Aıta ketsek, Astana Half Marathon bas seriktesi – Halyk Bank. 

Astana Half Marathon uıymdastyrýshylary: «Birinshi bolý – batyldyq» korporatıvtik qory, «World Class Almaty» fıtnes-klýby, Akademık Sh.Esenov atyndaǵy ǵylymı-bilim berý qory jáne # Drýgoı ty mýltısporttyq Youtube-arnasy.