Astana half 2023 marafonyna eki myń jelaıaq qatysady
Jartylaı marafondy Astana ákimdiginiń qoldaýymen Halyqaralyq Astana Marathon negizin qalaýshylar uıymdastyrdy.
Astana half 2023 jartylaı marafony –qys mezgilinen keıin jappaı júgirýde ózińizdi synaýdyń alǵashqy múmkindikteriniń biri. Jelaıaqtarǵa 21,1 km jáne 5 km qashyqtyqt usynylady. Bul jańadan bastaýshylar úshin tamasha bastama, al tájirıbeli sportshylar úshin – bıyl 3 qyrkúıekte ótetin Astana Marathon 2023-te 42,2 km marafondyq jarysqa daıyndyq.
Búgingi tańda jartylaı marafonǵa Ulybrıtanııa, AQSh, Polsha, Reseı, Ýkraına jáne Qazaqstan elderiniń 30-dan astam qalasynan 16 jastan 75 jasqa deıingi eki myńǵa jýyq qatysýshy tirkelgen.
Jarysqa 18 jastan 21,1 km-ge jáne 16 jastan 5 km-ge deıin barlyq nıet bildirýshiler tirkele alady. Іs-sharanyń jelaıaqtary men qonaqtary úshin elordanyń kásibı jattyqtyrýshylary oıyn-saýyq jáne jarys aldy qyzdyryný baǵdarlamasyn ázirlep otyr. 21,1 km qashyqtyq boıynsha ızotonıka, gelder, sý jáne jemis usynylady.
Jartylaı marafonǵa qatysý úshin tirkeýdi is-sharanyń resmı saıtynda https://astana21k.com 20 mamyr kúni tańǵy saǵat 8:00-ge deıin onlaın rejıminde ótkizýge bolady nemese 20 mamyr kúni keshki saǵat 18:00-ge deıin oryn bolǵan jaǵdaıda júgirýshi paketin berý ornynda tirkelýge bolady. Kórme EXPO halyqaralyq kórme ortalyǵynda ótedi.
Іs-shara kúni birqatar baǵyt boıynsha kósheler jabylady.
21,1 km qashyqtyqqa júgirý kelesi marshrýt boıynsha ótedi:
EKSPO aýmaǵynan bastalyp, Máńgilik El dańǵyly, 53/1 Túrkistan kóshesine – Zavodskaıa-Zavodskaıa-Uly Dala-Qabanbaı batyr dańǵyldaryna burylý – budan ári 29/1 – Aqmeshit kóshesi – EKSPO qalashyǵynyń aınalasynda – Túrkistan kóshesi jáne EXPO aýmaǵynda máre.
5 shaqyrymǵa:
EKSPO HHO aýmaǵynan bastalady, Máńgilik El dańǵyly, 53/1 Túrkistan kóshesine – Zavodskaıa-Zavodskaıa-Uly Dala-Qabanbaı batyr dańǵyldaryna burylý, budan ári 29/1 – Aqmeshit kóshesi – EKSPO qalashyǵynyń aınalasynda – Túrkistan kóshesi jáne EXPO aýmaǵynda máre.
Qatysýshylar jarys kúni tańǵy saǵat 6-da EXPO qarsy turaq aýmaǵynda, start – 7:00-de, aıaqtalýy – 10:00-de.