«Astana» ganalyq fýtbolshy Oseı Barnsty qataryna qosty

<p>ASTANA. KAZINFORM &ndash; &laquo;Astana&raquo; fýtbol klýby ganalyq jartylaı qorǵaýshy Oseı Barnspen kelisimshartqa qol qoıdy.</p>

Oseı Barns 1995 jyly Gana astanasy Akkra qalasynda dúnıege kelgen.

Portýgalııanyń «Pasýsh de Ferreıra» klýbynda tálim alyp, mansabynda 2012-2019 jyldarda atalǵan komandanyń namysyn qorǵady.

Odan keıin sol eldiń «Ýnıan Madeıra», «Aroka», «Akademıka», Kıprdiń «Nea Salamına» klýbtarynyń namysyn qorǵady.

Foto: Astana FK

2021-2023 jyldarda Grýzııanyń «Dınamo» (Tbılısı) klýbynda dop tepti. Komanda sapynda el chempıony atanyp, sýperkýbokqa qol jetkizdi.

Komanda qatarynda 11 gol soǵyp, 11 nátıjeli pas berdi.

Oseı Barns «Astana» klýbymen bir jylǵa jasalǵan kelisshartqa qol qoıdy. Odan keıin taǵy bir maýsymǵa uzartýǵa múmkindik bar.