«Astana» fýtbol komandasy – sýperkýbok ıegeri

ASTANA. QazAqparat – Fýtboldan Qazaqstan sýperkýboginiń ıegeri anyqtaldy, dep habarlaıdy QazAqparat tilshisi.

Atalǵan oıynda «Astana» men «Ordabasy» komandalary kezdesti. Kezdesýde elordalyq komandadan Marın Tomasov 8-mınýtta esep ashsa, shymkenttik klýbtan Erkebulan Tuńǵyshbaev 9-mınýtta tarazy basyn teńestirdi.

Al, «Astana» oıynshysy Dembo Darbo qorytyndy esepti belgiledi.

Osylaısha, «Astana» 2:1 esebimen jeńip, sýperkýbok ıegeri atandy.

Bıyl sýperkýbok oıyny óz tarıhynda 16-márte ótkizilmek. Qazirge deıin ol elimizdiń Almaty («Ortalyq»), Astana («Astana Arena»), Qostanaı («Tobyl Arena») jáne Túrkistan («Túrkistan-Arena») qalalarynda boldy.

Buǵan deıin sýperkýbokke barlyǵy alty komanda qol jetkizdi. Olardyń qatarynda «Astana» - 5, «Aqtóbe» - 3, «Qaırat» pen «Tobyl» - 2, «Shahter», «Ordabasy» men «Elimaı» - 1 márteden enshiledi.

Eske salsaq, budan buryn «Qaısar» afrıkalyq fýtbolshymen kelisimshartqa otyrdy.