«Astana fılm» atty jańa kınostýdııa salynyp jatyr
«QR Tuńǵysh Prezıdentiniń tapsyrmasy boıynsha óndiristik múmkindikterdi keńeıtý maqsatynda EKSPO halyqaralyq kórmesiniń kesheni aýmaǵynda «Astana fılm» atty jańa joǵary tehnologııaly kınostýdııanyń qurylysy boıynsha jumystar bastaldy. Bul úshin qala ákimdigi 23,7 gektar jer bóldi. Bul jańa kıno óndirýshi ortalyq, sondaı-aq álemge áıgili Universal, Disneyland jáne basqa da úlgidegi oıyn-saýyq jáne demalys saıabaǵy bolady», - dedi mınıstr.
Onyń sózine qaraǵanda, jańa kartınalardy shyǵarýǵa arnalǵan barlyq ótinimderdi kıno salasyndaǵy bedeldi mamandardan arnaıy qurylǵan Sarapshylyq keńesi qaraıdy.
Sonymen qatar, irikteý rásiminiń ashyqtyǵyn qamtamasyz etý úshin kıno jobalardy qarjylandyrý boıynsha usynystardy Úkimettiń janynan qurylǵan vedomstvoaralyq komıssııa beredi.
«Elimizdiń Premer-Mınıstri Asqar Mamınmen kezdesý barysynda álemge áıgili rejısser, stsenarıst, prodıýser Tımýr Bekmambetov eki kıno jobasyna prodıýser bolýǵa daıyn ekenin bildirgenin aıta ketkim keledi», - dedi A. Raıymqulova.