«Astana Exchange» krıptokompanııasy alaıaq dep tanyldy

<p>ASTANA. KAZINFORM &ndash; Astana halyqaralyq qarjy ortalyǵy tirkelmegen jáne lıtsenzııa almaǵan &laquo;Astana Exchange&raquo; kompanııasyna qatysty eskertý jarııalady.</p>

«AHQO Qarjylyq qyzmetter kórsetýdi retteý jónindegi komıteti (AFSA) jurtshylyqqa ózin «Astana Exchange» dep ataıtyn jáne krıptovalıýta aıyrbastaý qyzmetterin usynatyn kompanııanyń alaıaq ekenin eskertedi. Bul kompanııa qarjylyq qyzmetterdi kórsetý úshin jalǵan lıtsenzııany paıdalanady. Júrgizilgen taldaý nátıjesinde AFSA atalǵan uıymnyń AHQO-da tirkelmegenin jáne qarjylyq qyzmetter kórsetýge jaramdy lıtsenzııasy joq ekenin anyqtady. Osylaısha, onyń qyzmeti AHQO aktileriniń normalaryna qaıshy», - delingen habarlamada.

Osy oraıda Astana halyqaralyq qarjy ortalyǵy lıtsenzııa alǵan jáne tirkelgen kompanııalar tizimin tekserýge shaqyrady.

«Bul kez kelgen qarjylyq qyzmetti nemese ónimderdi paıdalanbas buryn kompanııanyń lıtsenzııasynyń baryna kóz jetkizý úshin mańyzdy», - deıdi vedomstvodan.

Sondaı-aq, AFSA alaıaqtyqqa qatysty kez kelgen habarlamaǵa jaýap bermeýge jáne kompanııamen iskerlik qarym-qatynasqa túspeýge, sondaı-aq osy alaıaqtyqqa baılanysty kez kelgen tarapqa aqsha jibermeýge nemese aýdarmaýǵa keńes beredi.

Eger qandaı da bir hat-habardyń shynaıylyǵyna kúmán bolsa nemese alaıaqtar bolýy múmkin dep kúdik týsa AFSA-ǵa tikeleı habarlasýǵa bolady. Ol úshin Astana halyqaralyq qarjy ortalyǵynyń resmı saıtynda ornalastyrylǵan onlaın-formany paıdalanýǵa bolady.